Васіль Сцяпанавіч Макарэвіч

Васіль Сцяпанавіч Макарэвіч (15 ліпеня 1939, в. Купленка, Крупскі раён, Мінская вобласць — 15 мая 2017^[1]) — беларускі паэт, журналіст.

Васіль Сцяпанавіч Макарэвіч
Асабістыя звесткі
Дата нараджэння	15 ліпеня 1939(1939-07-15)
Месца нараджэння	Купленка, Ухвальскі сельсавет, Крупскі раён, Менская вобласць, Беларуская ССР, СССР
Дата смерці	15 мая 2017(2017-05-15) (77 гадоў)
Альма-матар	аддзяленне журналістыкі філалагічнага факультэта БДУ (1964)
Месца працы	Чырвоная змена Першы Нацыянальны канал Беларускага радыё
Прафесійная дзейнасць
Род дзейнасці	пісьменнік, паэт, журналіст
Прэміі	Літаратурная прэмія імя Аркадзя Куляшова (1994) Залаты купідон (2012)

У Вікіпедыі ёсць артыкулы пра іншых людзей з прозвішчам Макарэвіч.

Біяграфія

Нарадзіўся ў сялянскай сям'і. У 1957 г., пасля заканчэння сярэдняй школы, працаваў на лесараспрацоўках на Поўначы, з 1958 г. — у калгасе «Ухвала» Крупскага раёна. Пасля заканчэння аддзялення журналістыкі Беларускага дзяржаўнага ўніверсітэта (1964) чатыры гады працаваў у газеце «Чырвоная змена». У 1979-2003 гг. — спецкарэспандэнт Беларускага радыё.

Творчасць

Аўтар зборнікаў паэзіі «Вогненная камета» (1963), «Мерыдыяны і паралелі» (1966), вершаванай казкі «Лясныя вандраванні» (1967), «Ліставей» (паэма і вершы, 1971), «Вечнае дрэва» (вершы і паэма, 1974), празаічнай кніг аповедаў «Палын і медуніца» (1976), «Радоўка» (вершы і паэма, 1977), нарысаў «Зямное сузор'е» (1980), «Старт у будучыню» (1982), «Праталіна» (1983), зборнікаў «Відушчы посах» (вершы, паэма, 1987), «Сумежжа» (вершы, паэмы, 1989), «Везувій» (1993), «Квадратура круга» (2000), кнігі вершаў, паэм і артыкулаў «Пяро і бліскавіца» (2001), зборнік сатыры і гумару «Даміно» (2005), кнігі выбранага «Неба ў руках» (2012).

Прызнанне

• Лаўрэат Літаратурнай прэміі імя Аркадзя Куляшова (1994).
• Лаўрэат літаратурнай прэміі «Залаты купідон» (2012).

Зноскі

1. Памяці Макарэвіча Васіля Сцяпанавіча (нявызн.). oo-spb.by (16 мая 2017).