Васіль Сцяпанавіч Казакоў

У Вікіпедыі ёсць артыкулы пра іншых людзей з прозвішчам Казакоў.

Васі́ль Сцяпа́навіч Казако́ў (4 сакавіка 1935, в. Усушак Чавускага раёна Магілёўскай вобласці — 9 верасня 2018^[1]) — беларускі дзяржаўны дзеяч, першы міністр аховы здароўя незалежнай Беларусі з 1990 па 1994 год.

Васіль Сцяпанавіч Казакоў
1-ы міністр аховы здароўя Рэспублікі Беларусь[d] 17 ліпеня 1990 — 24 кастрычніка 1994
Пераемнік	Інэса Міхайлаўна Драбышэўская
5-ы міністр аховы здароўя БССР 1990 — 1991
Папярэднік	Уладзімір Сяргеевіч Улашчык
Нараджэнне	4 сакавіка 1935(1935-03-04) Усушак, Вайнілаўскі сельсавет, Чавускі раён, Беларуская ССР, СССР
Смерць	9 верасня 2018(2018-09-09) (83 гады)
Месца пахавання	Усходнія могілкі
Адукацыя	Мінскі медыцынскі інстытут (1959)
Месца працы	Хоцімская ЦРБ[d]
Узнагароды

Біяграфія

Нарадзіўся 4 сакавіка 1935 года ў в. Усушак Чавускагаі раёна Магілёўскай вобласці. У 1959 годзе скончыў Мінскі дзяржаўны медыцынскі інстытут.

Пасля заканчэння Мінскага медінстытута вярнуўся ў родны рэгіён, дзе прайшоў усе прыступкі службовай лесвіцы — ад радавога ўрача да кіраўніка абласнога звяна. Чатыры гады працаваў тэрапеўтам Хоцімскай райбальніцы, яшчэ пяць гадоў — намеснікам галоўнага ўрача.

З 1965 па 1972 гады — узначальваў Касцюковіцкую райбальніцу. У 1972 яму прапанавалі пасаду намесніка загадчыка аддзела аховы здароўя Магілёўскага аблвыканкама, а затым 9 гадоў ён кіраваў гэтым аддзелам.

У 1987—1990 — намеснік міністра аховы здароўя БССР.

У 1990^[2] — 1994^[3] гг. — Міністр аховы здароўя Рэспублікі Беларусь.

З 1994 года — галоўны ўрач санаторыя-прафілакторыя «Свiтанак».

Пад рэдакцыяй В. Казакова выдадзены «Даведнік лекара агульнай практыкі» ў 2 тамах. Ён — аўтар шэрагу прац пра захворванні дзяцей у Беларусі пасля аварыі на ЧАЭС.

Зноскі

1. Умер первый министр здравоохранения независимой Беларуси Василий Казаков (руск.)(недаступная спасылка). tut.by. Архівавана з першакрыніцы 11 верасня 2018. Праверана 11.09.2018.
2. Пастанова Вярхоунага Савета Беларускай ССР ад 17 ліпеня 1990 г. № 145-XII «Аб прызначэнні Міністра аховы здароўя Беларускай ССР» (руск.)
3. Пастанова Кабінета Міністраў Рэспублікі Беларусь ад 24 кастрычніка 1994 г. № 131 «Аб адстаўцы Міністра аховы здароўя Рэспублікі Беларусь Казакова В. С.» (руск.)