Венскі міжнародны цэнтр

Венскі міжнародны цэнтр ці проста «Горад ААН» (Vienna International Centre^[1], VIC; UNO-City) — комплекс будынкаў, дзе размешчаныя шматлікія арганізацыі ААН у Вене. З'яўляецца трэцяй рэзідэнцыяй ААН ў свеце, пасля Нью-Ёрка і Жэневы.

Міжнародны Венскі Цэнтр

Комплекс будынкаў быў спраектаваны архітэктарам Ёханам Штаберам (Johann Staber) і пабудаваны ў 1973-1979 гадах. Міжнародны цэнтр размешчаны ў Донаўштадце, на левым беразе Дуная.Ідэя яго стварэння была прапанаваная прэм'ер-міністрам Бруна Крайскім.

Комплекс складаецца з шасці вежаў у форме літары Y, якія атачаюць цэнтральны канферэнц-будынак. Агульная плошча складае 230 000 м², а самая высокая вежа налічвае 28 паверхаў (120 м). Тут працуюць каля 5000 чалавек.

Арганізацыі

• Міжнароднае агенцтва па атамнай энергіі (МАГАТЭ)
• Камісія ААН па праве міжнароднага гандлю (ЮНСІТРАЛ)
• Арганізацыя Аб'яднаных Нацый па прамысловым развіцці (ЮНІДО)
• Упраўленне ААН па наркотыках і злачыннасці (УНЗ ААН)
• Упраўленне Вярхоўнага камісара ААН па справах бежанцаў (УВКБ)
• Агенцтва ААН па пытаннях касмічнай прасторы (United Nations Office for Outer Space Affairs)
• Арганізацыя Дагавора аб усёабдымнай забароне ядзерных выпрабаванняў (Comprehensive Nuclear-Test-Ban Treaty Organization (CTBTO))

Зноскі

1. Афіцыйная назва выкарыстоўвае брытанскі варыянт слова (centre), прытрымліваючыся пагадненняў ААН