Верхнядзвінскі гісторыка-краязнаўчы музей

Верхнядзвінскі гісторыка-краязнаўчы музей — беларускі гісторыка-краязнаўчы музей ў горадзе Верхнядзвінску, адчынены для наведвання шырокай грамадскасцю 1 верасня 2015 года. Экспазіцыя музея комплексна адлюстроўвае гісторыю і культуру Верхнядзвінскага раёна за апошнія дзесяць вякоў.

Верхнядзвінскі гісторыка- краязнаўчы музей
Профіль	комплексны
Заснаваны	2015
Падпарадкаванасць	аддзел культуры Верхнядзвінскага райвыканкама
Месцазнаходжанне	Віцебская вобл., 211631 г. Верхнядзвінск, вул. Ленінградская, 43
Памеры фонду	каля 5 тыс. экспанатаў
Дырэктар	Харашэўская Елізавета Міхайлаўна
Адкрыты	10.00-18.00 - аўторак-пятніца 9.00-15.00 - субота-нядзеля
v-dvinsk.museum.by

Гісторыя

Музей месціцца ў самым цэнтры горада ў гістарычным будынку канца XIX стагоддзя ў стылі мадэрн, які быў перададзены музею і пераабсталяваны пад музейныя функцыі пасля капітальнага рамонту у 2015 гг. Да рэвалюцыі 1917 г. у будынку будучага музея пражываў разам з роднымі вядомамы па ўсёй Еўропе майстар абутку яўрэйскага паходжання. Там жа знаходзілася і ягоная майстэрня, прадукцыя з якой прадавалася ў многія краіны Еўропы. Да 2012 г. у памяшканні музея дзейнічаў суд горада Верхнядзвінска і Верхнядзвінскага раёна, калі будынак быў перададзены аддзелу культуры райвыканкама пад музей. 9 мая 2015 г. музей запрацаваў у тэставым рэжыме, а 1 верасня 2015 г. пачаў прымаць усіх жадаючых.

Фонды

У фондах музея знаходзяцца матэрыялы археалагічных раскопак на Дрысеншчыне (вырабы з крэмяню, косці, рога, элементы адзення, пісалы, упрыгожванні, кераміка ляпная і ганчарная і інш.), калекцыі натуральна-навуковыя, нумізматыкі, сфрагістыкі, парцаляну, зброі, старадрукаваныя кнігі, прылады працы і прадметы побыту 18-20 ст., асабістыя фонды краязнаўцаў.

Асноўныя кірункі дзейнасці

Будынак музея да рэканструкцыі

• зменныя выставы з фондаў, прыватных калекцый, фондаў іншых музеяў
• экскурсіі па выставах
• музейна-педагагічныя заняткі і лекцыі
• тэматычныя вечары і культурна-адукацыйныя мерапрыемствы
• навуковыя мерапрыемствы і канферэнцыі

Асобы

• Антон Францавіч Бубала - вядомы верхнядзвінскі краязнаўца, старшы навуковы супрацоўнік музея.

Літаратура

• Бубала, А. Самы малады раённы музей Беларусі / А. Бубала // Краязнаўчая газета. — 2016. — № 34 (верасень). — С. 3 ; № 35 (верасень). — С. 3.
• Вайніловіч Л.М. Верхнядзвіншчына: гісторыя памежнага края як аснова для стварэння гісторыка-краязнаўчага музея // Проблемы истории и культуры пограничья: гуманитарное знание и вызовы времени: материалы Международной научной конференции, посвященной 200-летию И.Е. Храповицкого, г. Верхнедвинск, 16 июня 2017 г. / Верхнедвинский историко-краеведческий музей. — Верхнедвинск, 2017. — С. 26-30.
• Харашэўская Л.М. Верхнядзвінскі гісторыка-краязнаўчы музей у справе аховы гісторыка-культурнай спадчыны // Праблемы гісторыі і культуры пагранічча (ІІ Верхнядзвінскія гісторыка-краязнаўчыя чытанні): зборнік навуковых артыкулаў ІІ міжнароднай навуковай канферэнцыі, Верхнядзвінск, 24 мая 2019 г. / Верхнядзвінскі гісторыка-краязнаўчы музей. - Верхнядзвінск, 2019. – С. 6–9.
• Чарнякевіч, Ю. Музей-карабель, або Вандроўка па 12 прычалах / Ю. Чарнякевіч // Культура. – 2016. – 30 ліпеня. – С. 3, 14.

Спасылкі

• Верхнядзвінскі гісторыка-краязнаўчы музей(недаступная спасылка)
• Музей гісторыка-краязнаўчы. Верхнядзвінскі раён, г. Верхнядзвінск