Верхняя вуліца (Гомель)

Верхняя вуліца — вуліца ў Чыгуначным раёне горада Гомеля. Адносіцца да жылога масіву Прудок. Праходзіць ад вуліцы Каменшчыкава да вуліцы Свірыдава. Перасякаецца з безыменным правулкам. Дае пачатак іншаму безыменнаму правулку, які ідзе да вуліцы Агарэнкі. На яе выходзіць 8-я Навасёлкавая вуліца^[1]. Складаецца з індывідуальнай забудовы пераважна сядзібнага тыпу.

Верхняя Гомель
Агульная інфармацыя
Краіна	Беларусь
Рэгіён	Гомельская вобласць
Горад	Гомель
Раён	Чыгуначны раён
Гістарычны раён	Прудок
Паштовы індэкс	246015
Медыяфайлы на Вікісховішчы

З гісторыі

Забудоўвалася ў канцы 1950-х – пачатку 1960-х гадоў. Старажылы сцвярджалі, што назву вуліца атрымала ад таго, што на момант фарміравання яна была апошняй у гэтай частцы Прудка. У рэальнасці назва адлюстравала асаблівасці рэльефу, прынамсі, на час станаўлення вуліцы – вуліца будавалася на больш узвышанай частцы мясцовасці адносна Ніжняй вуліцы. Да будаўніцтва тут знаходзілася калгаснае поле. Забудоўваліся тут прыезджыя з Гомельскай вобласці^[2].

Зноскі

1. Гомель. Атлас туриста. / Справоч. изд. Ред. Ю. М. Нестеровская. — Минск : РУП «Белкартография», 2019. — С. 15.
2. Рогалев, А. Ф. Гомель. Страницы истории, формирование улиц, местные тайны и загадки / А. Ф. Рогалев. — Гомель : Барк, 2014. — С. 187.