Вольга (княгіня кіеўская)

Вольга, у хрышчэнні Алена (аг.-усх.-слав.: Ольга; пачатак X ст. — 11 ліпеня 969) — княгіня кіеўская. Уладарыла Руссю пасля гібелі мужа — князя кіеўскага Ігара Рурыкавіча, як рэгентка сына з 945 да прыкладна 960 года.

Вольга
Вольга (у цэнтры ў чырвоным адзенні) ў Царградзе. Мініяцюра з «Гісторыі візантыйскіх імператараў» Іаана Скіліцы, XII-XIII ст.
Княгіня кіеўская 945 — 960
Папярэднік	Ігар Рурыкавіч
Пераемнік	Святаслаў Ігаравіч
Нараджэнне	каля 890[1] Пскоў, Кіеўская Русь, Plisnesko[d], Львоўская вобласць, Украіна або Плыскіў, Ліпавецкі павет[d], Кіеўская губерня, Расійская імперыя
Смерць	969[2][3][…] Кіеў, Кіеўская Русь
Месца пахавання	Дзесяцінная царква[d]
Род	Рурыкавічы
Муж	Ігар Рурыкавіч
Дзеці	Святаслаў Ігаравіч
Веравызнанне	язычніцтва і хрысціянства
Медыяфайлы на Вікісховішчы

У 946 годзе жорстка адпомсціла драўлянам за забойства мужа, аднак вызначыла нормы даніны, час і месцы (пагосты) яе збору.

Першай з уладароў Русі прыняла хрысціянства (у 957 годзе ў Канстанцінопалі), да агульнага хрышчэння Русі. Сын Ігара і Вольгі — Святаслаў Ігаравіч (князь кіеўскі ў 960—972). Першая на Русі святая.