Агаці
From Wikipedia, the free encyclopedia
Remove ads
Агаці (англ. Agatti, малаялам അഗത്തി ഐലന്റ്) — востраў у Індыйскім акіяне, частка Лакадыўскіх астравоў. Уваходзіць у склад Лакшадвіп, саюзнай тэрыторыі Індыі. Плошча сушы — 2,7 кв. км. Насельніцтва (2001 г.) — 5667 чал.
Remove ads
Прырода
Востраў нізкі, мае каралавае паходжанне. Уваходзіць у склад аднайменнага атола. Выцягнуты на 6 км. Шырыня не перавышае 900 м. Значная частка Агаці занята авіяпаласой, насаджэннямі какосавай пальмы. 2 буйныя пляжы. На паўднёвай частцы атола размяшчаецца значна меншы па плошчы востраў Калпіці.
Клімат трапічны пасатны. Сярэдняя тэмпература ўлетку вагаецца ад 22 °C да 35 °C, узімку — ад 20 °C да 32 °C. Вільготнасць — 72 %-80 %.
Наземная флора і фаўна бедныя, аднак добра захавалася прыроднае асяроддзе каралавага рыфа.
Remove ads
Турызм
Агаці — галоўны турыстычны цэнтр Лакшадвіп. На ім знаходзіцца адзіны на астравах грамадзянскі аэрапорт. Таксама існуе сталая марская пасажырская сувязь з Качынам і іншымі населенымі астравамі. Для наведвання Лакшадвіп турысты ўсіх нацыянальнасцей (у тым ліку грамадзяне Індыі) павінны загадзя набыць пісьмовы дазвол (выдаецца платна і лічыцца даволі дарагім). На Агаці размешчана 2 гасцініцы, ёсць мясцовая электрастанцыя. Галоўныя забавы для наведвальнікаў — адпачынак на пляжы, ныранне з аквалангам, кароткія вандроўкі на верталёце на іншыя астравы.
Remove ads
Спасылкі
Wikiwand - on
Seamless Wikipedia browsing. On steroids.
Remove ads