Востраў Закаханых (Баранавічы)

Востраў Закаханых — востраў на Свяцілаўскім возеры ў Паўночным мікрараёне горада Баранавічы. Плошча — 85 квадратных метраў.

Востраў Закаханых
Альтанка на «Востраве закаханых»
Характарыстыкі
Плошча	0,0085 км²
Насельніцтва	0 чал.
Размяшчэнне
53°08′56,20″ пн. ш. 26°00′23,80″ у. д.HGЯO
Акваторыя	Свяцілаўскае возера
Краіна	Беларусь
Раён	Баранавіцкі раён
Востраў Закаханых

Адкрыты 14 лютага 2009 года ў Дзень святога Валянціна — заступніка і абаронцы ўсіх закаханых. На востраве размешчаны альтанка і два «Дрэвы кахання», адлітыя з металу мясцовымі мастакамі. Трапіць на «Востраў Кахання» можна дзякуючы спецыяльна ўзведзенаму масту.^[1]

Дрэва на «Востраве закаханых»

Першымі наведвальнікамі вострава сталі 4 пары маладых, якія разам з прадстаўнікамі мясцовай улады і гараджанамі прынялі ўдзел у яго адкрыцці. Кожнай пары ўручылі замочкі кахання і вернасці, выкананыя ў выглядзе двух сэрцаў, змацаваных дужкай, якія сімвалізуюць трываласць пачуццяў. Маладыя муж і жонка павесілі гэтыя замочкі на «Дрэвы кахання», а ключы кінулі ў возера.

Супрацоўнікі Баранавіцкага ЗАГСу ўпэўнены, што новыя традыцыі на гэтым рамантычным месцы спадабаюцца маладым горада.^[2]