Юрый (востраў)
From Wikipedia, the free encyclopedia
Remove ads
Востраў Юрый (руск.: Юрий, яп.: 勇留島) — востраў у Малой градзе Курыльскіх астравоў. Адміністрацыйна ўваходзіць у склад Сахалінскай вобласці Расіі. На востраў таксама прэтэндуе Японія. Плошча — 10,32 км².
Мае вулканічнае паходжанне. Паверхня ўзгорыстая. Берагі стромкія абрывістыя, месцамі адхонныя з пясчанымі і галечнымі пляжамі. Найвышэйшы пункт — 44 м над узроўнем мора.
У старажытнасці наведваўся айнамі, якія далі яму імя Юра або Юру («там шмат бакланаў»). У 1855—1945 гг. уваходзіў у склад Японіі. Выкарыстоўваўся як рыбалоўная база. Сезоннае насельніцтва дасягала 501 чал. У 1945 годзе заняты савецкімі войскамі і пазней уключаны ў склад РСФСР.
На востраве знаходзяцца расійская пагранічная застава і маяк. З-за адсутнасці бяспечных падыходаў марскія судны рэдка наведваюць яго. Аднак на заставе існуе верталётная пляцоўка.
Востраў Юрый з’яўляецца часткай прыроднага заказніка «Малыя Курылы».
Remove ads
Спасылкі
Wikiwand - on
Seamless Wikipedia browsing. On steroids.
Remove ads