Камсамольская вуліца (Брэст)

Вуліца Камсамольская (руск.: улица Комсомольская) — вуліца ў Ленінскім раёне Брэста, у гістарычным цэнтры горада.

Камсамольская Брэст
Агульная інфармацыя
Краіна	Беларусь
Рэгіён	Брэсцкая вобласць
Горад	Брэст
Раён	Ленінскі раён
Працягласць	850 м

У паняцця ёсць і іншыя значэнні, гл. Вуліца Камсамольская.

Гісторыя

Пачала забудоўвацца ў сярэдзіне XIX стагоддзя. Да 1921 года — Узнясенская, у часы Польскай Рэспублікі — Уладзіслава Стацкевіча, названай так у гонар капітана польскай арміі, які загінуў 9 лютага 1919 года пры вызваленні пешаходнага моста цераз чыгуначныя пуці (знесены ў 1986 годзе) каля скрыжавання вуліц Арджанікідзэ і Камсамольскай ад немцаў. У 1920 — 30-х гадах скрыжаванне вуліц Стацкевіча і Садовай (цяпер вул. Арджанікідзэ) займалі гасцініцы і рэстараны. Тут жа размяшчаліся рэдакцыя перыядычнага выдання «Brisker Wochenblatt» і прэс-бюро «Польскага часопіса». Другі ўчастак вуліцы (ад сучасных Пушкінскай да плошчы Свабоды) быў забудаваны прыватнымі дамамі, а паміж імі стаяў драўляны двухпавярховы будынак прыватнай агульнаадукацыйнай школы А. Горскай, у якой рыхтавалі дзяцей да паступлення ў гімназію. У 1939 годзе вуліца пераназвана ў Камсамольскую, у часы нямецка-фашысцкай акупацыі — Бангофштрасэ (ням.: Вакзальная), пасля вайны зноў Камсамольская^[1].

У 1970-я гады праезная частка вуліцы была пашырана, па ёй пушчаны тралейбусы^[1].

Размяшчэнне

Арыентавана з паўночнага захаду на паўднёвы ўсход. Размешчана паміж вуліцамі Карла Маркса і Савецкай, да якіх паралельна. Пачынаецца ад скрыжавання вуліцай Арджанікідзэ, перасякае вуліцы Міцкевіча, Пушкінскай, Маякоўскага, завяршаецца скрыжаваннем з вуліцай Гогаля, пераходзячы ў плошчу Свабоды. Даўжыня вуліцы складае каля 850 м.

Забудова

Гістарычная забудова вул. Камсамольскай

• № 21 —  Гісторыка-культурная каштоўнасць Беларусі, шыфр 112Е000002шыфр 112Е000002
• № 25 —  Гісторыка-культурная каштоўнасць Беларусі, шыфр 112Е000002шыфр 112Е000002
• № 29 —  Гісторыка-культурная каштоўнасць Беларусі, шыфр 112Е000002шыфр 112Е000002
• № 30 —  Гісторыка-культурная каштоўнасць Беларусі, шыфр 112Е000002шыфр 112Е000002
• № 31 —  Гісторыка-культурная каштоўнасць Беларусі, шыфр 112Е000002шыфр 112Е000002
• № 34 —  Гісторыка-культурная каштоўнасць Беларусі, шыфр 112Е000002шыфр 112Е000002

Дом № 38

• № 38 (вул. Пушкінская, 11) — двухпавярховы жылы дом.
• № 40 — будынак (ХІХ стагоддзе) —  Гісторыка-культурная каштоўнасць Беларусі, шыфр 113Г000011шыфр 113Г000011
• № 41 —  Гісторыка-культурная каштоўнасць Беларусі, шыфр 112Е000002шыфр 112Е000002
• № 45 —  Гісторыка-культурная каштоўнасць Беларусі, шыфр 112Е000002шыфр 112Е000002

Зноскі

1. Улица Ф. Э. Дзержинского