Вуліца Кіжаватава (Брэст)

Вуліца Кіжаватава — вуліца ў паўночнай частцы Брэста, у раёне былой вёскі Граеўская Слабодка, якая ўзнікла ў 1870 годзе ў сувязі з будаўніцтвам чыгункі «Брэст — Беласток — Граева». Забудоўвалася з канца XIX стагоддзя індывідуальнымі 1-павярховымі дамамі. Працягласць каля 1500 м — ад пуцеправода праз чыгуначныя пуці станцыі Брэст-Цэнтральны да вуліцы Фартэчнай. Праходзіць паралельна чыгунцы. Названая ў 1967 годзе ў гонар A. M. Кіжаватава. Ранейшыя назвы — Мяшчанская (да 1939-га і ў 1941 −1944 гадах), Працоўная (1939 −1941 гг. і 1944 −1967 гг.).

Забудова каля Прыгараднага вакзала

Вуліца Кіжаватава Брэст
Агульная інфармацыя
Краіна	Беларусь
Рэгіён	Брэсцкая вобласць
Горад	Брэст
Ранейшыя назвы	Мяшчанская, Працоўная
Медыяфайлы на Вікісховішчы

Забудова

• № 9/1 — Дом культуры чыгуначнікаў

Дзіцячая паліклініка

• № 74 — Брэсцкая гарадская дзіцячая паліклініка № 1
• № 76 — Брэсцкая гарадская бальніца №1 (1990, архітэктары Л. Хаюцін, Т. Дулевіч, А. Перэльман). Праектавалася як бальніца Беларускай чыгункі^[1].

Літаратура

• Брест : Энциклопедический справочник (руск.) / Гл. редактор И. П. Шамякин. — Мн.: БелСЭ им. П. Бровки, 1987. — 408 с.