Высокі Таўэрн

Высо́кі Та́ўэрн^[2] (ням.: Hohe Tauern) — горны хрыбет у Аўстрыі, у сістэме Цэнтральных Усходніх Альпаў.

Высокі Таўэрн
ням. Hohe Tauern
47°10′00″ пн. ш. 12°30′00″ у. д.HGЯO
Краіна	Аўстрыя
Горная сістэма	Цэнтральныя Усходнія Альпы
Плошча	4 310 км²
Даўжыня	105 км
Шырыня	64 км
Найвышэйшая вяршыня	Гросглокнер
Вышыня	3798 м [1]
Медыяфайлы на Вікісховішчы

Хрыбет распасціраецца з захаду на ўсход больш чым на 100 км. Складаецца з некалькіх масіваў вышынёй да 3798 м (гара Гросглокнер) з альпійскімі формамі рэльефу. У заходняй частцы шматлікія каравыя і далінныя ледавікі. З паўночных схілаў хрыбта бяруць пачатак многія правыя прытокі ракі Зальцах, з паўднёвых — левыя прытокі Дравы. Восевую зону хрыбта складаюць старажытныя граніты і гнейсы. Да вышыні 1800—2000 м — хваёвыя лясы, вышэй — зараснікі кустоў і лугі. Праз Высокі Таўэрн на вышыні каля 1200 м пракладзены чыгуначны тунэль Зальцбург — Клагенфурт.

Паходжанне назвы

Нямецкае Hohe Tauern ад ням. ням.: hohe — высокі і даіндаеўрапейскага *taur (гл. кельт. twr, tor — скалістая гара)^[3]. З’яўляецца антыподам Niedere Tauern, што перакладаецца як Нізкая гара^[3].

Гл. таксама

• Нізкі Таўэрн