Установа вышэйшай адукацыі

Установа вышэйшай адукацыі^[1], скарочана УВА — навучальная ўстанова, якая дае вышэйшую прафесійную адукацыю і ажыццяўляе навуковую дзейнасць. Да прыняцця Кодэкса Рэспублікі Беларусь аб адукацыі таксама ўжывалася паняцце вышэйшая навучальная ўстанова (ВНУ). Вылучаюць дзяржаўныя і прыватныя ўстановы вышэйшай адукацыі.

Дыплом УВА Беларусі

Кожная ўстанова вышэйшай адукацыі мае статут і ёсць аўтаномным суб'ектам прававых адносін. Установа вышэйшай адукацыі павінна мець ліцэнзію, якая дае права на адукацыйную дзейнасць. Каб мець права выдаваць выпускнікам УВА дыпломы, установа павінна быць акрэдытавана. Навучанне ва ўстановах вышэйшай адукацыі звычайна цягнецца ад 4 да 6 гадоў і бывае дзённым, вячэрнім і завочным.

Гл. таксама

• Спіс універсітэтаў Беларусі

Спасылкі

• Каталог вышэйшых навучальных устаноў Беларусі