Вялікая Каменка

У гэтага тапоніма ёсць і іншыя значэнні, гл. Каменка.

Вялі́кая Ка́менка^[1] (трансліт.: Vialikaja Kamienka, руск.: Великая Каменка) — вёска ва Уздзенскім раёне Мінскай вобласці. Уваходзіць у склад Хатлянскага сельсавета.

Вёска Вялікая Каменка Краіна Беларусь Вобласць Мінская Раён Уздзенскі Сельсавет Хатлянскі Каардынаты 53°27′35″ пн. ш. 27°42′01″ у. д.HGЯO Ранейшыя назвы Каменка Насельніцтва ▼9 чал. (2019) Часавы пояс UTC+3 Тэлефонны код +375 1718 Аўтамабільны код 5 Вялікая Каменка Вялікая Каменка

Гісторыя

Населены пункт заснаваны як пасёлак Каменка^[2] ў 1920-я гады ў Беларускай ССР. У даведніку Гарады і вёскі Беларусі паселішча памылкова атаясамліваюць з хутарам і ўрочышчам Казакоў Вугал, якія месціліся ў іншым месцы^[3].

У Другую сусветную вайну з канца чэрвеня 1941 года да 2 ліпеня 1944 года пад акупацыяй Германіі. 22 студзеня 1944 года нямецкія войскі цалкам спалілі вёску, забілі 22 жыхары. Пасля вайны вёска адноўлена.

Да 1 красавіка 1960 года вёска ўваходзіла ў склад Шацкага сельсавета^[4].

Насельніцтва

• 1939 год — 17 двароў, 121 жыхар
• 1970 год — 59 жыхароў
• 1999 год — 12 жыхароў
• 2009 год — 9 жыхароў
• 2019 год — 9 жыхароў^[5]