Вячаслаў Іванавіч Валынец

Вячаслаў Іванавіч Валынец (нар. 2 ліпеня 1948, в. Ятвезь, Баранавіцкі раён, Брэсцкая вобласць) — беларускі мастак-графік і жывапісец.

Вячаслаў Іванавіч Валынец
Дата нараджэння	2 ліпеня 1948(1948-07-02) (77 гадоў)
Месца нараджэння	Ятвезь, Крошынскі сельсавет, Гарадзішчанскі раён, Баранавіцкая вобласць, Беларуская ССР, СССР
Род дзейнасці	графік, мастак
Жанр	кніжная графіка і жывапіс
Вучоба	Беларускі дзяржаўны тэатральна-мастацкі інстытут (1977)
Член у	Беларускі саюз мастакоў
Узнагароды	Мастацтва кнігі[d]

У Вікіпедыі ёсць артыкулы пра іншых людзей з прозвішчам Валынец.

Біяграфія

Нарадзіўся 2 ліпеня 1948 года ў вёсцы Ятвезь Баранавіцкага раёна Брэсцкай вобласці. Скончыў Беларускі тэатральна-мастацкі інстытут у 1977 годзе. З таго ж года ўдзельнічае ў мастацкіх выставах^[1].

Член Беларускага саюза мастакоў з 1981 года. Жыве ў горадзе Мінску^[1].

Творчасць

Працуе ў галіне кніжнай графікі і жывапісу. Стварыў ілюстрацыі да кніг: «На балоце скрыпелі драчы» А. Кудраўца, «Асобае заданне» А. Авечкіна, «Цвіце на Палессі груша» В. Казько^[1].

Сярод жывапісных твораў — палотны: «Над старою грушай», «Партрэт мастака В. Камарова», «Партрэт мастака У. Вішнеўскага», «Старыя дрэвы», «Асенні вечар», «Багаты сусед», «Мёртвыя дрэвы», а таксама серыя «Дварнякі»^[1].

Яго творы знаходзяцца ў Нацыянальным мастацкім музеі Беларусі, а таксама ў фондах БСМ^[1].

Узнагароды

У 1995 годзе ўзнагароджаны дыпломам I ступені Рэспубліканскага конкурсу «Мастацтва кнігі»^[1].