Вячаслаў Іванавіч Пераход

Вячаслаў Іванавіч Перахо́д^[1] (10 лютага 1887, п. Рахаў, Келецкае ваяводства, Польшча — 26 мая 1964, Мінск) — беларускі вучоны ў галіне лесаводства. Доктар сельскагаспадарчых навук (1944). Прафесар (1923). Акадэмік АН БССР (1950) і Акадэміі сельскагаспадарчых навук БССР (1959—1961). Заслужаны дзеяч навукі Беларускай ССР (1956).

Вячаслаў Іванавіч Пераход
Дата нараджэння	10 лютага 1887(1887-02-10)
Месца нараджэння	Люблінскае ваяводства, Польшча
Дата смерці	26 мая 1964(1964-05-26) (77 гадоў)
Месца смерці	Мінск, Беларуская ССР, СССР
Грамадзянства	Польшча  СССР
Род дзейнасці	навуковец
Навуковая сфера	лесаводства
Месца працы	Інстытут лесу НАНБ БДУ Беларуская дзяржаўная сельскагаспадарчая акадэмія Беларускі дзяржаўны тэхналагічны ўніверсітэт
Навуковая ступень	доктар сельскагаспадарчых навук (1944)
Навуковае званне	прафесар (1923) акадэмік Акадэміі навук Беларускай ССР (1950)
Альма-матар	Новаалександрыйскі інстытут сельскай гаспадаркі і лесаводства[d] (1911)
Узнагароды

Біяграфія

У 1906 годзе скончыў рэальнае вучылішча ў Беластоку. У 1911 годзе скончыў Новаалександрыйскі інстытут сельскай гаспадаркі і лесаводства ў Пулавах. Працаваў у навучальных установах Пскова, Кастрамы, Вятлугі. З 1922 года ў Беларускім інстытуце сельскай і лясной гаспадаркі і Беларускім дзяржаўным універсітэце^[1]. З 1925 года прафесар Беларускай сельскагаспадарчай акадэміі і Беларускага лесатэхнічнага інстытута^[1]. З 1946 года В. І. Пераход у Інстытуце лесу Акадэміі навук БССР, у 1949—1954^[1] гадах яго дырэктар.

Навуковая дзейнасць

Навуковыя інтарэсы: лесаэканамічнае раянаванне Беларусі; лясная статыстыка; геаграфічны профіль пры вывучэнні лясоў, гісторыя лесаводства. Аўтар больш за 190 навуковых прац, у тым ліку 14 манаграфій і брашур.

Сярод апублікаваных прац:

• Основы современного лесоводства : руководство для сельско­хозяйственных учебных заведений и самообразования. — Рига: Книгоиздательство Трескиной, 1914. — 199 с.;
• Леса и лесное хозяйство БССР — Минск, 1925;
• Из истории лесного хозяйства Белоруссии, в кн.: Сборник научных работ по лесному хозяйству, вып. 7. — Минск, 1956;
• Основы экономики лесоводства. — Минск. 1957;
• Организация лесосеменных хозяйств. — Минск: Госиздат БССР, 1955. — 36 с.;
• Экономическая география лесов БССР : очерк. — Минск: Звязда, 1958. — 31 с.

Зноскі

1. Беларусь 1995.