Слава Корань

Слава Корань, поўнае імя Вячаслаў Корань (нар. 16 снежня 1955, па пашпарце -- 16 студзеня 1956) — беларускі рок-музыкант.

Слава Корань
Дата нараджэння	16 снежня 1955
Месца нараджэння	Пскоў, Пскоўская вобласць, РСФСР, СССР
Краіна	Беларусь
Альма-матар	Беларускі дзяржаўны ўніверсітэт інфарматыкі і радыёэлектронікі
Музычная дзейнасць
Прафесіі	музыкант, спявак
Гады актыўнасці	1981-па сённяшні дзень
Інструменты	Гітара
Жанры	Рок
Калектывы	Бонда ULIS
Супрацоўніцтва	Новае Неба Кася Камоцкая
Грамадская дзейнасць
Член у	Новае Неба Бонда ULIS

Біяграфія

Нарадзіўся ў Пскове ў сям’і настаўніцы і лекара. Скончыў школу № 30 у Мінску, потым факультэт аўтаматыкі і вылічальнай тэхнікі Мінскага радыётэхнічнага інстытуту (РТІ) па спецыяльнасці «Аўтаматызаваныя сістэмы кіравання».

Вучыўся граць на фартэпіяна ў музычнай школе №1 у Мінску (1962—1969), але зразумеў, што фартэпіяна яму не даспадобы і пераключыўся на гітару.

Працуе музычным дырэктарам Еўрапейскага радыё для Беларусі^[1].

Жанаты, мае сына.

Творчасць

У 1968 годзе пачаў граць у школьнай групе, працягнуў музычныя эксперыменты ў РТІ. У 1981 годзе заснаваў гурт Ліфт, які выступаў у мінскім кафэ «Мерыдыян» пад «дахам» арганізацыі «Арыентыр». У той час у Мінску было толькі тры кавярні, дзе гралі жывыя групы: «Мерыдыян», «Сузор’е» і кавярня Беларускага політэхнічнага інстытуту.

У 1982 годзе стаў гітарыстам групы «Студия 7» — гурта Беларускага тэатральна-мастацкага інстытуту, які ў 1984 годзе стаў называцца «Бонда».

Сышоў з «Бонды» ў 1988 годзе разам з Сяргеем Краўчанкам і Валерам Цініцкім і з імі, а таксама Феліксам Аксёнцавым, Кірылам Шэвандо і Андрэем Патрэем стварыў гурт ULIS, у якім грае дагэтуль.

У 1993 годзе адбыўся раскол гурта, падчас якога з ULIS сышлі ўсе музыкі, апроч Славы Кораня, які ўзяў на сябе функцыі вакаліста і аўтара тэкстаў, што даволі неадназначна ўспрыняла наваколле. ULIS набраў новы склад, які неаднаразова мяняўся.

Ацэнкі

Падчас імпрэзы з гуртом «Hasta La Fillsta» на «СТБ» у 2010 годзе яго вакалістка і музычная журналістка Вольга Самусік назвала Кораня «найвялікшым рок-музыкам Беларусі»^[2].

Зноскі

1. Кантакты - Europejskie Radio dla Białorusi Sp. z o.o.  (бел.). euroradio.fm.
2. Ольга Самусик (группа «Hasta La Fillsta»): Для «Playboy» могу сняться бесплатно (руск.). СТБ (13 чэрвеня 2010). Архівавана з першакрыніцы 30 мая 2012. Праверана 8 студзеня 2020.