Вячаслаў Генадзевіч Лухтанаў

Вячаслаў Лухтанаў (нар. 12 лютага 1995, Лутугынэ, Луганская вобласць) — украінскі футбаліст, абаронца.

Вячаслаў Лухтанаў
Поўнае імя	Вячаслаў Генадзевіч Лухтанаў
Нарадзіўся	12 лютага 1995(1995-02-12)[1] (30 гадоў) Лутугынэ, Лутугынскі раён, Луганская вобласць, Украіна
Грамадзянства	Украіна
Рост	190 см
Вага	81 кг
Пазіцыя	абаронца
Маладзёжныя клубы
2004—2011 Дынама (Кіеў)
Клубная кар’ера[* 1]
2011—2015 Дынама (Кіеў) 0 (0) 2012—2014 →  Дынама-2 (Кіеў) 38 (2) 2015 →  Гаверла (Ужгарад) 17 (0) 2016 Геліяс (Харкаў) 6 (0) 2017 Верас (Роўна) 10 (0) 2017 Алімпік (Данецк) 5 (0) 2018 Смалявічы 9 (1) 2020 Чаркашчына (Чаркасы) 9 (1)
Нацыянальная зборная[* 2]
2010—2012 Украіна (да 17) 27 (2) 2012 Украіна (да 19) 3 (0)
Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 31 жніўня 2021. Колькасць гульняў і галоў за нацыянальную зборную ў афіцыйных матчах, адкарэктавана станам на 23 сакавіка 2018

Клубная кар’ера

Выхаванец ДЮФШ «Дынама» імя Валерыя Лабаноўскага. Першы трэнер — Аляксандр Шпакаў. Выступаў у ДЮФЛ за «Дынама».

З лета 2011 года да зімы 2015 года^[2] знаходзіўся ў структуры «Дынама» (Кіеў), аднак першы сезон выступаў за моладзевую каманду, пасля чаго летам 2012 года быў заяўлены за «Дынама-2».

У пачатку 2015 года быў аддадзены ў арэнду ва ўжгарадскую «Гаверлу». 9 мая 2015 года дэбютаваў у складзе «Гаверлы» ў Прэм’ер-лізе, выйшаўшы на 79-й хвіліне матча супраць данецкага «Шахцёра» замест Сержа Акакпо. Усяго ж за клуб у элітным дывізіёне чэмпіянату Украіны Лухтанаў згуляў 17 матчаў.

У верасні 2016 года стаў іграком харкаўскага «Геліяса». У снежні таго ж года было афіцыйна абвешчана аб пераходзе абаронцы ў шэрагі ровенскага «Вераса»^[3], з якім ён заваяваў пуцёўку ў Прэм’ер-лігу.

У ліпені 2017 падпісаў трохгадовы кантракт з данецкім «Алімпікам»^[4], аднак ужо ў снежні пакінуў каманду^[5].

У лютым 2018 года далучыўся да складу дэбютанта беларускай Вышэйшай лігі — клуба «Смалявічы» — і ў сакавіку падпісаў з ім кантракт^[6]. З красавіка па чэрвень не гуляў з-за траўмы, пазней вярнуўся ў асноўны склад. У жніўні 2018 года па пагадненні бакоў пакінуў беларускі клуб^[7].

У чэрвені 2020 года стаў іграком «Чаркашчыны» ва ўкранскай Першай лізе, аднак ужо ў верасні пакінуў каманду.

Міжнародная кар’ера

У 2010—2012 гадах выступаў за юнацкія зборныя Украіны розных узростаў.