Віленская гімназія імя Францыска Скарыны

У паняцця ёсць і іншыя значэнні, гл. Віленская гімназія.

Ві́ленская гімна́зія імя́ Францы́ска Скары́ны (літ.: Vilniaus Pranciškaus Skorinos gimnazija) — агульнаадукацыйная ўстанова ў Вільні, заснаваная ў 1994 годзе. Адзіная ў Літве школа з беларускай мовай навучання.

Віленская гімназія імя Францыска Скарыны
Заснавана	1994
Дырэктар	Дзіяна Стахновіч[1]
Тып	гімназія
Краіна	Літва
Адрас	вул. Сеціно, 21, Вільня, LT-04316
Сайт	skorinosgimnazija.lt/by/
Медыяфайлы на Вікісховішчы

Гісторыя

Заснаваная ў 1994 годзе як агульнаадукацыйная школа з беларускай мовай навучання, частка прадметаў выкладаецца па-літоўску. Знаходзіцца ў прадмесці Каралінішкі^[lt].

З верасня 1997 года нададзена імя беларускага першадрукара Францыска Скарыны. Эмблема гімназіі — усмешлівыя сонца і месяц.

15 лютага 2013 года рашэннем Віленскай мэрыі атрымала статус гімназіі. Навучанне 12-гадовае. З верасня 2014 года працуе дашкольная група.