Вітарыяна

Вітарыяна (італ.: Il Vittoriano) — манумент у гонар першага караля аб'яднанай Італіі Віктара Эмануіла II. Размяшчаецца на Венецыянскай плошчы ў Рыме, на схіле Капіталійскага ўзгорка.

Помнік
Помнік Віктару Эмануілу II (Вітарыяна)
Il Monumento nazionale a Vittorio Emanuele II (o Vittoriano)
Вітарыяна, Рым
41°53′40,50″ пн. ш. 12°28′59″ у. д.HGЯO
Краіна	Італія
Месцазнаходжанне	Рым, Плошча Венецыі
Архітэктурны стыль	класіцызм і эклектыка
Архітэктар	Джузэпэ Саконі
Дата заснавання	2 тысячагоддзе
Будаўніцтва	1885—1911 гады
Вышыня	81 м
Матэрыял	траверцін і мармур
Сайт	vive.cultura.gov.it/… (італ.) vive.cultura.gov.it/… (англ.)
Медыяфайлы на Вікісховішчы

Гісторыя, вонкавы від, музеі

Праект быў распрацаваны Джузэпэ Саконі ў ампірным духу старажытнарымскай архітэктуры. Будаўніцтва працягвалася з 1885 па 1911 гады. Часткай манумента з'яўляецца дванацаціметровая бронзавая конная статуя караля. Пад ёй знаходзіцца магіла Невядомага салдата, так званы «Алтар Айчыны».

У Вітарыяна размяшчаюцца два музея: Рысарджымента і сцягоў ваеннага флота. Манумент характарызуецца празмернай эклектыкай і нагрувашчваннем розных дэталяў, характэрных для старажытнарымскіх збудаванняў (калоны, барэльефы, статуі і інш.). Па меркаванні многіх, помнік вылучаецца сярод іншых рымскіх будынкаў, таму сярод рымлян распаўсюджаны розныя паблажліва-пагардлівыя найменні гэтага манумента: «Пішучая машынка» («Macchina da Scrivere»), «Вясельны торт», «Устаўная сківіца» і іншыя.

З'яўленне ў масавай культуры

Вітарыяна быў знішчаны маланкамі ў фільме "Зямное ядро: Кідок у апраметную".

Фатаграфіі

• 
  Вітарыяна ўначы
• 
  Від ад Калізея
• 
  Від з боку калоны Траяна
• 
  Статуі
• 
  Конная статуя Віктара Эмануіла II
• 
  Квадрыга, якая вянчае Вітарыяна
• 
  Магіла Невядомага салдата
• 
  Начны від помніка Віктару Эмануілу II

Зноскі