Віцебсксельбудпраект

«Інстытут Віцебсксельбудпраект» (руск.: Институт Витебсксельстройпроект) — праектна-вышукальнае прадпрыемства ў Віцебску. Арганізацыя спецыялізуецца на праектаванні жыллёва-грамадзянскага і прамысловага будаўніцтва^[1]. Размяшчаецца ў Віцебску па вуліцы Будзённага, 2.

«Інстытут Віцебсксельбудпраект»
Тып	камунальнае ўнітарнае праектна-вышукальнае прадпрыемства
Заснаванне	1958
Краіна	Беларусь
Размяшчэнне	Віцебск, вуліца Будзённага, 2
Галіна	архітэктурнае праектаванне
Прадукцыя	праектна-каштарысная дакументацыя
Сайт	vssp.by

Гісторыя

Прадпрыемства было заснавана ў кастрычніку 1958 года пастановай Віцебскага аблвыканкама і абкама КПБ № 630 ад 21 кастрычніка 1958 года як абласное міжкалгаснае праектна-каштарыснае бюро «Аблміжкалгаспраект»^[1].

У 1970 годзе яно было ператворана ў Віцебскі філіял інстытута «Белкалгаспраект». У 1986 годзе прадпрыемства атрымала назву інстытут «Віцебсксельбудпраект» Віцебскага аблсельбуда. З 1996 года — дзяржаўнае прадпрыемства, з 2000 — рэспубліканскае ўнітарнае прадпрыемства, а з 2003 — даччынае камунальнае ўнітарнае прадпрыемства^[1].

Згодна з рашэннем Віцебскага аблвыканкама № 403 ад 8 ліпеня 2004 года, з 1 кастрычніка 2004 года да прадпрыемства быў далучаны АДУПП «ДПІ Віцебскаграпрампраект»^[1].

У 2021 годзе рашэннем Віцебскага аблвыканкама № 539 ад 19 кастрычніка 2021 года арганізацыя атрымала сучасную назву — камунальнае ўнітарнае праектна-вышукальнае прадпрыемства «Інстытут Віцебсксельбудпраект»^[1].

Дзейнасць

Займаецца праектаваннем жыллёва-грамадзянскіх і прамысловых аб’ектаў; выкананнем праектна-вышукальных работ для сельскай гаспадаркі. Штогод прадпрыемства выпускае каля 200 аб’ектаў^[2].

Узнагароды

• дыплом Лаўрэата конкурсу «На лепшае дасягненне ў будаўнічай галіне ў Рэспубліцы Беларусь» (2010, 2016, 2017) у намінацыі «Аб’ект года»^[1];
• дыплом (2014) у намінацыі «Экспарцёр года»^[1];
• дыплом (2015) у намінацыі «Развіццё рэгіёнаў малых і сярэдніх гарадскіх пасёлкаў»^[1].