Валерый Яўгенавіч Рачкоўскі

У Вікіпедыі ёсць артыкулы пра іншых людзей з прозвішчам Рачкоўскі.

Валерый Яўгенавіч Рачкоўскі (21 красавіка 1954, в. Ганчароўка, Смалявіцкі раён, Мінская вобласць — 2 студзеня 2014) — беларускі мастак, галоўны мастак Беларускага дзяржаўнага тэатра лялек (1998—2014)^[1].

Валерый Яўгенавіч Рачкоўскі
Дата нараджэння	21 красавіка 1954(1954-04-21)
Месца нараджэння	Ганчароўка, Забалоцкі сельсавет, Смалявіцкі раён, Мінская вобласць, Беларуская ССР, СССР
Дата смерці	2 студзеня 2014(2014-01-02) (59 гадоў)
Грамадзянства	Беларусь
Род дзейнасці	мастак, сцэнограф
Месца працы	Беларускі дзяржаўны тэатр лялек Мінскі абласны тэатр лялек «Батлейка»
Вучоба	Беларускі дзяржаўны тэатральна-мастацкі інстытут (1982)
Член у	Беларускі саюз мастакоў БСТД

Біяграфія

Нарадзіўся ў 1954 годзе ў вёсцы Ганчароўка Смалявіцкага раёна. У 1982 годзе скончыў Беларускі тэатральна-мастацкі інстытут, працаваў мастаком-пастаноўшчыкам (1984—1987), галоўным мастаком Мінскага абласнога тэатра «Батлейка» ў Маладзечне (1990—1998), галоўным мастаком Беларускага дзяржаўнага тэатра лялек (1998—2014).

Член Беларускага саюза мастакоў з 2003 года, член Беларускага саюза тэатральных дзеячаў з 1989 года.

Памёр у 2014 годзе.

Творчасць

Як сцэнограф ён паставіў больш за 75 спектакляў для дзяцей і дарослых. Найбольш значныя яго пастаноўкі: «Казка пра цара Салтана», «Дом, які пабудаваў Свіфт», «З Парыжам скончана», «Гісторыя аднаго горада», «Плыт мерцвякоў», «Меч анёла», «Брыдкае качаня» і інш.

У фондах Нацыянальнага гістарычнага музея Беларусі захоўваецца больш за 160 эскізаў, касцюмаў і лялек мастака^[2].