Мінскі паштамт

Мінскі паштамт — будынак у Мінску, размешчаны па адрасе пр-т. Незалежнасці, 10. Помнік архітэктуры, пабудаваны ў 1949—1953 гадах (архітэктары Уладзімір Кароль і Абрам Духан).

Будынак
Мінскі паштамт
53°53′47″ пн. ш. 27°33′05,60″ у. д.HGЯO
Краіна	Беларусь
Горад	Мінск
Архітэктурны стыль	савецкі манументальны класіцызм
Архітэктар	Уладзімір Адамавіч Кароль і Абрам Рыгоравіч Духан
Будаўніцтва	1949—1953 гады
Статус	Гісторыка-культурная каштоўнасць Беларусі, шыфр 713Г000159шыфр 713Г000159
Медыяфайлы на Вікісховішчы

Архітэктура

Складаецца з двух злучаных паміж сабой аб’ёмаў — асноўнага чатырохпавярховага П-падобнага ў плане, пастаўленага ўздоўж чырвонай лініі праспекта Незалежнасці, і прыбудаванага да яго тыльнага фасада (круглы ў плане, у выглядзе ратонды з купалам; дыяметр 30 м), дзе размешчана вялікая аперацыйная зала. Галоўны фасад будынка, арыентаваны на праспект Незалежнасці, мае сіметрычную кампазіцыю. Размешчаныя па ўсім фасадзе трохчвертныя калоны вялікага карынфскага ордара, масіўныя формы цэнтральнай аркі ўваходу з апорамі, якія значна выступаюць за межы плану, высокі раскрапаваны атык надаюць будынку манументальны характар. У аздабленні фасадаў і інтэр’ераў выкарыстаныя прыродны камень, высакаякасная тынкоўка, ляпныя дэталі, вітражы з выявамі помнікаў дойлідства Беларусі (1980 г., В. Позняк). Будынак ёсць прыкладам выкарыстання элементаў класічнай спадчыны ў архітэктуры Беларусі 1940—1950-х гадоў.

У 2022—2024 гадах былі праведзеныя працы па рэстаўрацыі фасадаў будынка з аднаўленнем гістарычных дэкаратыўных элементаў, дэталяў і агульнага каларыту, скажоных і страчаных за час эксплуатацыі будынка^[1][2].

Галерэя

• 
  Агульны выгляд
• 
  Галоўны фасад
• 
  Агульны выгляд
• 
  Фрагмент фасада
• 
  Фрагмент фасада
• 
  Галоўны ўваход