Гальцы (горы)

У паняцця ёсць і іншыя значэнні, гл. Гальцы (значэнні).

Гальцы́^[1][2] (руск.: Гольцы) — пашыраная ў Сібіры, на Паўночным і Палярным Урале^[1], на астравах Арктыкі^[1] назва горных вяршынь, якія ўздымаюцца вышэй верхняй мяжы лесу.

Вяршыні гальцоў маюць сплошчаную, падобную плато, форму. Гальцы часцей за ўсё пазбаўлены расліннасці (часам прысутнічаюць імхі, прыгнечаныя хмызнякі, кедравы сланік^[3]). У адрозненне ад бялкоў, у цёплы перыяд года гальцы вызваляюцца ад снегу^[2][3].