Галіна Вячаславаўна Дзербіна

Галіна Вячаславаўна Дзербіна (нар. 29 студзеня 1954, Ушачы, Віцебская вобласць) — беларускі гісторык права. Спецыяліст па прававой культуры Вялікага Княства Літоўскага XV—XVI стагоддзяў. Кандыдат юрыдычных навук (1990), дацэнт^[1].

Галіна Вячаславаўна Дзербіна
Дата нараджэння	29 студзеня 1954(1954-01-29) (71 год)
Месца нараджэння	Ушачы, Ушацкі раён, Віцебская вобласць, Беларуская ССР, СССР
Грамадзянства	СССР  Беларусь
Дзеці	Аляксей Паўлавіч Дзербін
Род дзейнасці	гісторык права
Месца працы	Мінская абласная калегія адвакатаў[d] Інстытут дзяржавы і права НАН Беларусі БІП — Універсітэт права і сацыяльна-інфармацыйных тэхналогій Скарынаўскі Цэнтр Акадэмія Міністэрства ўнутраных спраў Рэспублікі Беларусь Акадэмія кіравання пры Прэзідэнце Рэспублікі Беларусь Рэспубліканская лабараторыя гісторыка-культурнай спадчыны[d] БелНДІДАС
Навуковая ступень	кандыдат юрыдычных навук (1990)
Навуковае званне	дацэнт
Альма-матар	БДУ (1976)

Біяграфія

Нарадзілася 29 студзеня 1954 года ва Ушачах. Скончыла ў 1976 годзе БДУ^[1].

У 1976—1978 гадах працавала адвакатам у Мінскай абласной калегіі адвакатаў. У 1978—1994 гадах у Інстытуце філасофіі і права НАН Беларусі: малодшы навуковы супрацоўнік, навуковы супрацоўнік, старшы навуковы супрацоўнік аддзела тэорыі і гісторыі дзяржавы і права. У 1990 годзе абараніла кандыдацкую дысертацыю па тэме «Фарміраванне і развіццё інстытутаў сямейнага права Беларусі (XVI ст.)»^[1].

У 1995—1999 гадах дацэнт кафедры тэорыі і гісторыі права Беларускага недзяржаўнага інстытута правазнаўства. У 1995 годзе стажыравалася ў Інстытуце паглыбленых прававых даследаванняў Лонданскага ўніверсітэта^[1].

У 1999—2002 гадах у Нацыянальным навукова-асветным цэнтры імя Ф. Скарыны: старшы навуковы супрацоўнік, загадчык сектара гісторыі права і палітыка-прававой думкі. У 2002—2006 гадах дацэнт кафедры тэорыі і гісторыі дзяржавы і права Акадэміі Міністэрства ўнутраных спраў^[1].

Працавала дацэнтам кафедры канстытуцыйнага і міжнароднага права, прафесарам Акадэміі кіравання пры Прэзідэнце Рэспублікі Беларусь. Старшы навуковы супрацоўнік Рэспубліканскай лабараторыі гісторыка-культурнай спадчыны Цэнтра даследаванняў беларускай культуры, мовы і літаратуры НАН Беларусі. Старшы навуковы супрацоўнік аддзела археаграфіі Беларускага навукова-даследчага інстытута дакументазнаўства і архіўнай справы^[1].

Навуковая дзейнасць

Напрамкі даследаванняў: гісторыя дзяржавы і права Беларусі^[1].

Сям’я

Мае сына Аляксея Дзербіна (нар. 1975), дзяржаўнага дзеяча.

Бібліяграфія

• Международное частное право: учебно-методическое пособие. Минск, 2008.
• Гісторыя дзяржавы і права Беларусі: вучэбна-метадычны дапаможнік. Мінск, 2006.
• Права і сям’я ў Беларусі эпохі Рэнесансу. Мінск, 1997.