Ганна Іванаўна Бабарыкіна

Ганна Іванаўна Бабарыкіна (1 ліпеня 1922, в. Мялыні Усвяцкага раёна Пскоўскай вобласці — 2005) — беларускі педагог, Заслужаны настаўнік БССР, удзельніца Вялікай Айчыннай вайны. Дэпутат Вярхоўнага Савета Рэспублікі Беларусь (1990).

Ганна Іванаўна Бабарыкіна
Род дзейнасці	настаўніца
Дата нараджэння	1 ліпеня 1922(1922-07-01)
Месца нараджэння	Мялынь[d], Веліжскі павет, Віцебская губерня, РСФСР
Дата смерці	2005
Грамадзянства	Беларусь
Альма-матар	Мінскі дзяржаўны педагагічны інстытут імя Максіма Горкага (1957) Веліжскае педагагічнае вучылішча[d] (1940)
Партыя	КПСС
Узнагароды і прэміі

Біяграфія

Скончыла Веліжскае педагагічнае вучылішча (1940). Скончыла Мінскі педагагічны інстытут імя М. Горкага (1957).

У перадваенны час выкладала гісторыю ў Шаршнёўскай СШ Усвяцкага раёна. Удзельніца Вялікай Айчыннай вайны: памочнік камісара па камсамоле ў партызанскім атрадзе «Кастрычнік», пазней на той жа пасадзе ў брыгадзе «Кастрычнік». У 1944—1945 гадах першы сакратар Пліскага райкама камсамола, інструктар Вілейскага абкама камсамола.

З сакавіка 1945 года ў Ашмянскім раёне: першы сакратар РК ЛКСМБ (1945—1946), настаўніца гісторыі ў СШ № 1 і № 2 (1946—1995).

Выбіралася народным дэпутатам Вярхоўнага Савета Рэспублікі Беларусь (1990).

Узнагароды

У 1965 годзе прысвоена ганаровае званне «Заслужаны настаўнік БССР». Узнагароджана ордэнамі Кастрычніцкай Рэвалюцыі (1971), «Знак Пашаны» (1960), іншымі ордэнамі і медалямі.

Зноскі