Геланік

Геланік (Ἑλλάνικος), таксама вядомы як Геланік з Мітылены (каля 490 да н.э. — 485 гг. да н. э. — каля 405 — 400 гг. да н. э.) — старажытнагрэчаскі пісьменнік-лагаграф.

Папірус з паэмай аб Атлантыі

Геланік
грэч. Ἑλλάνικος
Асабістыя звесткі
Дата нараджэння	каля 490 да н.э.
Месца нараджэння	Mytilene[d], Грэцыя[1]
Дата смерці	каля 405 да н.э.
Месца смерці	Старажытныя Афіны
Прафесійная дзейнасць
Род дзейнасці	гісторык, міфограф, Лагаграфы
Мова твораў	старажытнагрэчаская мова
Медыяфайлы на Вікісховішчы

Падрабязнасці біяграфіі Геланіка добра не вядомы. Ён нарадзіўся ў Мітылене, найбуйнейшым горадзе вострава Лесбас. Жыў пры двары аднаго з валадароў Македоніі. Памёр у эалійскім горадзе Перперэне, не далёка ад Пергама.

Ніводная праца Геланіка ў арыгінале да нас не дайшла. Існуюць толькі спасылкі і крытыка на яго творчасць (Фукідыд, Платон, Эратасфен і інш.). Геланік быў аўтарам празаічных логасаў (літаральна, казанняў) па гісторыі, міфалогіі і геаграфіі Эоліі, Атыкі, Персіі, Фесаліі, Лідыі, Егіпецкай дзяржавы, зямель Паўночнага Прычарнамор'я. Вядомы таксама пераказам міфічных падзей, звязаных з заняпадам Троі і заснаваннем Рыма. Геланіку прыпісваюць аўтарства паэмы аб Атлантыі, дачцэ Атласа.

Геланік быў адным з першых старажытнагрэчаскіх пісьменнікаў, якія выкладалі падзеі міулага згодна храналагічнага прынцыпу.