Генадзь Анатолевіч Анісовіч

Генадзь Анатолевіч Анісовіч (25 жніўня 1932, Мінск — 6 снежня 2003) — беларускі савецкі вучоны ў галіне металазнаўства. З 1972 г. член-карэспандэнт, а з 1984^[1]  — акадэмік АН БССР, доктар тэхнічных навук (1970). Заслужаны дзеяч навукі і тэхнікі БССР (1978)^[2].

Генадзь Анатолевіч Анісовіч
Дата нараджэння	25 жніўня 1932(1932-08-25)
Месца нараджэння	Менск, БССР, СССР
Дата смерці	6 снежня 2003(2003-12-06) (71 год)
Месца смерці	Мінск, Беларусь
Грамадзянства	Беларусь  СССР
Род дзейнасці	навуковец
Навуковая сфера	металазнаўства
Месца працы	Фізіка-тэхнічны інстытут НАН Беларусі Нацыянальная акадэмія навук Беларусі
Навуковая ступень	доктар тэхнічных навук
Навуковае званне	акадэмік НАНБ
Альма-матар	БПІ (1955)
Прэміі
Узнагароды

Біяграфія

Скончыў Беларускі політэхнічны інстытут у 1955 годзе. У 1960—1970 гг. у Фізіка-тэхнічным інстытуце АН БССР, з 1970 года дырэктар Магілёўскага аддзялення Фізіка-тэхнічнага інстытута АН БССР^[1][2].

Навуковая дзейнасць

Апублікаваў больш за 200 навуковых прац, у тым ліку 6 манаграфій. Мае 155 аўтарскіх пасведчанняў на вынаходніцтва^[1].

Навуковыя працы па тэхналогіі металаў, цеплафізіцы ліцейных металургічных працэсаў, цеплавым асновам тэхналогіі металаў пры фазавых ператварэннях у металах і сплавах. Даследаваў працэсы фарміравання адлівак пры зацвярдзення металу ў пясчаных, абалонкавых, двухслойных металічных і камбінаваных ліцейных формах, працэс астуджэння адлівак складанай канфігурацыі і прапанаваў спосабы кіравання гэтымі працэсамі пры прымусовым астуджэнні ліцейнай формы і змяненні яе цеплавых уласцівасцей^[1]. Распрацаваў метады вызначэння тэрмафізічных уласцівасцей металаў, сплаваў і фармовачных сумесяў, вывучыў спосаб атрымання адлівак і нарыхтовак з чорных і каляровых металаў (ліццё намарожваннем, крышталізацыя пад ціскам)^[1][2].

Асноўныя працы

• Охлаждение отливки в комбинированной форме. М., 1969 (совм. с Н. П. Жмакиным).
• Затвердевание отливок. Мн., 1979.

Узнагароды

Дзяржаўная прэмія БССР (1990) за даследаванне, распрацоўку і ўкараненне эфектыўных рэсурса-і металлосберегающих экалагічна бясшкодных тэхналагічных працэсаў атрымання высакаякасных адлівак ва ўмовах цэнтралізаванага вытворчасці^[1].

Узнагароджаны ордэнам Працоўнага Чырвонага Сцяга (1981), «Знакам Пашаны», медалямі^[1].

У 1999 годзе атрымаў прэмію НАН Беларусі за цыкл работ па тэарэтычных асновах фарміравання адлівак^[3].

Зноскі

1. Акадэмік АНІСОВІЧ Генадзь Анатольевіч (руск.)
2. Анисович Геннадий Анатольевич // Биографический справочник. — Мн.: «Белорусская советская энциклопедия» имени Петруся Бровки, 1982. — Т. 5. — С. 19. — 737 с..
3. Лаўрэаты прэмій НАН Беларусі 1999 года Архівавана 25 верасня 2007.