Генадзь Аркадзевіч Космач

Генадзь Аркадзевіч Космач (1953 — 2016) — беларускі гісторык. Доктар гістарычных навук, прафесар.

Генадзь Аркадзевіч Космач
Дата нараджэння	1953
Месца нараджэння	Талуі, Маркаўскі сельсавет, Маладзечанскі раён, Маладзечанская вобласць, Беларуская ССР, СССР
Дата смерці	2016
Грамадзянства	Беларусь
Жонка	Алена Мікалаеўна Космач
Род дзейнасці	гісторык
Месца працы	БДПУ
Навуковая ступень	доктар гістарычных навук
Альма-матар	гістарычны факультэт БДУ

У Вікіпедыі ёсць артыкулы пра іншых людзей з прозвішчам Космач.

Біяграфія

Нарадзіўся 7 ліпеня 1953 года ў вёсцы Талуі Маладзечанскага раёна Мінскай вобласці^[1] ў сялянскай сям’і Аркадзя Сцяпанавіча і Ніны Рыгораўны (у дзявоцтве Васюта) Космачаў. Брат гісторыка Веніяміна Космача (нар. 1959)^[2].

У 1976 годзе скончыў гістарычны факультэт БДУ. З 1979 года працаваў на гістарычным факультэце БДПУ імя Максіма Танка.

У 1979 г. абараніў кандыдацкую дысертацыю па тэме «Барацьба Камуністычнай партыі Аўстрыі супраць рэакцыі і фашызму ў 1924—1929 гг.». У 1990 годзе абараніў доктарскую дысертацыю па тэме «Працоўны клас у палітыцы кіруючых буржуазных партый Германіі ў 1924—1929 гг.». З 1993 года — загадчык кафедры ўсеагульнай гісторыі^[3]. У 1994 г. у сааўтарстве з жонкай выдаў кнігу «Трагедыя куміраў рэвалюцыі^[4]» дзе былі апісаны палітычныя біяграфіі М. І. Бухарына, А. І. Рыкава і Л. Д. Троцкага. З 2004 года — загадчык кафедры новай і найноўшай гісторыі. З 2015 г. — прафесар кафедры ўсеагульнай гісторыі і методыкі выкладання гісторыі.

Памёр у 2016 г^[5].

Навуковая дзейнасць

Сфера навуковых інтарэсаў — найноўшая гісторыя Германіі, гісторыя міжнародных адносін, палітычная біяграфія В.Кубэ, гісторыя СССР 1930-х гг. і метадалогія гістарычнай навукі. Выкладаў метадалогію гісторыі і гісторыю ўсходніх цывілізацый^[6]. Cааўтар падручнікаў і вучэбных дапаможнікаў па сусветнай гісторыі для вучняў 9, 10 і 11 класаў устаноў Рэспублікі Беларусь.

Сям'я

Першы муж гісторыка Алены Космач (нар. 1958). Бацька гісторыка Паўла Космача (нар. 1984).

Зноскі

1. Космач Геннадий Аркадьевич Архівавана 25 мая 2017. // Издательство Аверсэв
2. Молодечненская газета - Доктар гістарычных навук прафесар Веньямін Космач: «Матэрыялы пра свае родныя Талуі я збіраў дваццаць пяць гадоў»(нявызн.)(недаступная спасылка). mgazeta.by. Архівавана з першакрыніцы 3 лютага 2024. Праверана 3 лютага 2024.
3. Кафедра новой и новейшей истории Архівавана 21 студзеня 2019. // Abiturient.by
4. Трагедия кумиров революции : Страницы политических биографий Н. И. Бухарина, А. И. Рыкова, Л. Д. Троцкого
5. Михаил СТРЕЛЕЦ Геннадий Космач был гордостью нашей страны // Брестская газета
6. Генадзь Космач якім я яго памятаю // Блог А. Берастоўскага