Генадзь Леанідавіч Бортнікаў

У Вікіпедыі ёсць артыкулы пра іншых людзей з прозвішчам Бортнікаў.

Генадзь Леанідавіч Бортнікаў (руск.: Генна́дий Леони́дович Бо́ртников; 1 красавіка 1939, Масква — 24 сакавіка 2007, Масква) — савецкі і расійскі акцёр тэатра і кіно. Народны артыст Расійскай Федэрацыі (1992).

Генадзь Леанідавіч Бортнікаў
Дата нараджэння	1 красавіка 1939(1939-04-01)
Месца нараджэння	Масква, РСФСР, СССР
Дата смерці	24 сакавіка 2007(2007-03-24) (67 гадоў)
Месца смерці	Масква, Расія
Месца пахавання	Увядзенскія могілкі[d]
Грамадзянства	СССР  Расія
Адукацыя	Школа-студыя пры Маскоўскім мастацкім тэатры[d]
Прафесія	акцёр
Тэатр	Тэатр імя Массавета
Узнагароды
IMDb	ID 0097551

Біяграфія

Генадзь Бортнікаў нарадзіўся 1 красавіка 1939 года ў Маскве. У 1962 годзе скончыў Школу-студыю МХАТ (курс Г. А. Герасімава, А. М. Карэва) і быў прыняты ў трупу Тэатра імя Массавета.

На працягу многіх гадоў Бортнікаў быў адным з вядучых акцёраў тэатра. Найбольш значныя працы — Раскольнікаў у «Пецярбургскіх снах» і Смердзякоў у «Братах Карамазавых» паводле Ф. М. Дастаеўскага, галоўная роля ў спектаклі паводле аповесці Г. Бёля «Вачыма клоўна» — пастаноўка і сцэнаграфія Генадзя Бортнікава. Пасля ён таксама займаўся рэжысурай.

У кіно Бортнікаў дэбютаваў у 1961 годзе ў фільме «Дарослыя дзеці»; самая буйная праца — галоўная роля ў фільме «Падарванае пекла».

Захапляўся жывапісам, і яго мастацкія працы знаходзілі адабрэнне ў Эрнста Неізвеснага. У якасці мастака і аўтара касцюмаў Бортнікаў аформіў некалькі спектакляў.

Генадзь Бортнікаў памёр у Маскве 24 сакавіка 2007 года ад інфаркту на 68-м годзе жыцця. Пахаваны на Увядзенскіх могілках (участак № 11).

Зноскі