Герб Літоўскай ССР

Герб Літоўскай ССР — дзяржаўны сімвал Літоўскай Савецкай Сацыялістычнай Рэспублікі. Грунтуецца на гербе СССР. Ён уяўляў сабой малюнак залатога сярпа і молата ў залатых прамянях сонца на белым фоне, апраўленага каласамі і дубовым лісцем, якія абвітыя чырвонымі стужкамі з надпісамі злева на літоўскай «Visų šalių proletarai, vienykitės!» і справа на рускай мовах «Пролетарии всех стран, соединяйтесь!». У верхняй частцы гербу размяшчалася пяціканцовая зорка, у ніжняй яго частцы — літары на чырвонай стужцы «LTSR». Становішча аб гербе было замацавана ў 167 артыкуле Канстытуцыі Літоўскай ССР ад 20 красавіка 1978 года.

Герб Літоўскай ССР

Глядзіце таксама

• Герб Літвы
• Сцяг Літоўскай ССР