Грачушына (гарадзішча)

Грачушына — археалагічны помнік каля вёскі Грачушына Расонскага раёна Віцебскай вобласці. Уключае два гарадзішчы.

Археалагічны помнік
Грачушына
Краіна	Беларусь
Вёска	Грачушына
Статус	Гісторыка-культурная каштоўнасць Беларусі, шыфр 213В000706шыфр 213В000706

Гарадзішча-1

Вядома з 1867 года. Знаходзіцца за 1,5 км на паўднёвым ўсходзе ад вескі на пагорку. Памер пляцоўкі — 35×37 м, вышыня — 15-20 м. Рэшткаў старажытных умацаванняў няма. У 1956 годзе даследаваў Л. В. Аляксееў, у 1981 годзе — Т. С. Скрыпчанка, у 1974 годзе — Г. В. Штыхаў. Культурны пласт 0,4-0,5 м. Знойдзена ляпная кераміка. Адносіцца да днепра-дзвінскай культуры, датуеццца VII ст. да н. э. — IV ст. н. э. Гарадзішча адносіцца да ранняга жалезнага веку.

Гарадзішча-2

Вядома з 1867 года. Знаходзіцца за 1 км на паўночны ўсход ад вескі ў лесе. Памер пляцоўкі — 35×37 м, вышыня — да 20 м. Прасочваюцца рэшткі вала і рова. У 1949 годзе даследаваў А. Р. Мітрафанаў, у 1974 годзе — Г. В. Штыхаў, у 1981 годзе — Т. С. Скрыпчанка. Культурны пласт 0,4-0,5 м. Знойдзены рэшткі ляпной керамікі. Адносіцца да днепра-дзвінскай культуры, датуецца VII ст. да н. э. — IV ст. н. э. Гарадзішча адносіцца да ранняга жалезнага веку^[1].

Зноскі

1. Спіс помнікаў археалогіі. Расонскі раён