Грут-Айленд

Грут-Эйландт, таксама Грут-Айленд (англ.: Groote Eylandt) — найбуйнейшы востраў у заліве Карпентарыя. Належыць Аўстраліі. Плошча — 2 326,1 км². Насельніцтва (2016 г.) — 2 811 чал. Назва, дадзеная падарожнікам Абелем Тасманам у 1644 годзе, перакладаецца з галандскай мовы як «вялікі востраў».

Грут-Эйландт
англ. Groote Eylandt
Выгляд з космасу
Характарыстыкі
Плошча	2 326,1 км²
Найвышэйшы пункт	219 м
Насельніцтва	2 811 чал. (2016)
Шчыльнасць насельніцтва	1,21 чал./км²
Размяшчэнне
14°02′46″ пд. ш. 136°34′51″ у. д.HGЯO
Акваторыя	Карпентарыя
Краіна	Аўстралія
Рэгіён	Паўночная тэрыторыя
Грут-Эйландт
Медыяфайлы на Вікісховішчы

Востраў Грут-Айленд размешчаны за 47 км ад бліжэйшай мацерыковай часткі Паўночнай тэрыторыі, паўвострава Арнем-Ленд, а таксама за 630 км ад горада Дарвін. Працягласць вострава з усходу на захад — каля 50 км, з поўначы на поўдзень — каля 60 км. Востраў нізінны, сярэдняя вышыня над узроўнем мора — 15 м. Найвышэйшы пункт Грут-Айленда — пагорак Сентрал-Хіл (219 м).

Клімат трапічны з гарачым, вільготным летам і частымі навальніцамі. На Грут-Айлендзе можна вылучыць два сезоны — сухі пад уплывам вятроў, якія дзьмуць з паўднёвага ўсходу, і сезон дажджоў пад уплывам мусонаў. Сезон дажджоў на востраве доўжыцца з лістапада па красавік. Сярэдняя тэмпература ў гэты час года — 25-38 °C. Перыяд засухі доўжыцца з мая па кастрычнік. Тэмпература ў гэты час года — 10-30 °C. Сярэднегадавая колькасць ападкаў — каля 1177 мм.

Асноўнае насельніцтва складаюць абарыгены з племені аніндыляква.

На востраве здабываюць марганец. Плануецца развіваць турызм.

Спасылкі

• Groote Eylandt Aboriginal Trust
• Long-term landscape evolution on Groote Eylandt, Northern Territory
• Little-known island of riches wants to become a tourist hotspot
• Groote Eylandt: the island where they keep crocs as pets