Гульнявая кампанія

У слова «Кампанія» ёсць і іншыя значэнні: гл. Кампанія (значэнні).

Гульнявая кампанія — набор заданняў, аб’яднаных агульным сюжэтам, у настольных ролевых гульнях і відэагульнях.

У настольных ролевых гульнях

У настольных ролевых гульнях кампаніі могуць быць створаны выдавецтвам гульні або майстрам гульні і аб’ядноўваюцца наступнымі характарыстыкамі:

• Правілы

У ролевых гульнях можна выкарыстоўваць розныя гульнявыя сістэмы — наборы правіл, па якіх вызначаюцца здольнасці персанажаў і механікі дзеянняў. Майстар гульні можа стварыць уласную інтэрпрэтацыю гульнявой сістэмы, напрыклад, каб спрасціць гульню для пачаткоўцаў.

• Месца дзеяння

Майстар гульні можа выкарыстаць існуючы сусвет або стварыць унікальны.

• Рэалізм

Гульня можа імітаваць рэальны свет або мець магічныя ці фантастычныя падзеі.

• Гумар

Майстар гульні можа зрабіць гульню сур’ёзнай ці камічнай.

• Сюжэт

Кожная гульня можа мець уласны сюжэт ці быць часткай больш маштабных падзей, у якіх удзельнічаюць тыя ж персанажы.

У відэагульнях

Кампаніі з глыбока прапрацаванымі сюжэтамі найчасцей сустракаюцца ў аднакарыстальніцкіх відэагульнях. Яны ўключаюць устаўкі, у якіх гулец увогуле не ўплывае або слаба ўплывае на падзеі — кат-сцэны (англ.: cutscene). Такім чынам у гульні перадаецца масштабная гісторыя і паслядоўнасць заданняў атрымоўвае дадатковы сэнс.

Гл. таксама

• Геймдызайн