Гістарычная брама

«Гістарычная брама: гісторыя і культура Палесся» — беларускі гістарычны і краязнаўчы часопіс. Выдаваўся ў г. Бяроза ў 1997—2010 гадах. Заснавальнік і галоўны рэдактар М. М. Сінкевіч. У 2001—2004 гадах выдаваўся штоквартальна, а з 2008 года — 2 разы ў год.

«Гістарычная брама»
Тып	часопіс
Краіна	Беларусь
Галоўны рэдактар	М. М. Сінкевіч
Заснавана	1997
Спыненне публікацый	2010
Тэматыка	гісторыя
Мова	беларуская
Перыядычнасць	2 разы на год

Часопіс асвятляў пытанні гісторыі Заходняй Беларусі ад старажытнасці да сучаснасці. Друкуе матэрыялы па гісторыі гарадоў, вёсак, культавых устаноў, знакамітых шляхецкіх родаў, аб падзеях шматлікіх войнаў і паўстанняў, біяграфіі вядомых людзей, працы па археалогіі, дыялекталогіі і інш.

З 2003 года пачалося выданне кніжнай серыі «Бібліятэка» «Гістарычнай брамы».