Гісторыя майго жыцця

Гісторыя майго жыцця — песня беларускага гурта NAVI, які прадстаўляў Беларусь на «Еўрабачанні-2017». Аўтарам песні з’яўляецца саліст групы Арцём Лук’яненка. 30 лістапада 2016 года быў зняты кліп на песню, 7 сакавіка 2017 года гуказапісная студыя MediaCube Music выпусціла сінгл для спампавання з Інтэрнэту. Гэта песня стала першай песняй, выкананай на «Еўрабачанні» на беларускай мове^[1][2].

Гісторыя майго жыцця
Сінгл NAVI
Выпушчаны	7 сакавіка 2017
Мова	беларуская
Фармат	digital download
Жанр	фолк-рок
Кампазітар	Арцём Лук’яненка
Працягласць	2:59
Лэйбл	MediaCube Music
Аўтар песні	Арцём Лук’яненка
NAVI, храналогія сінглаў
«Калыханка» (2016) «Гісторыя майго жыцця» (2017)

Еўрабачанне-2017

Асноўны артыкул: Беларусь на «Еўрабачанні-2017»

Гурт NAVI падаў сваю заяву на ўдзел у беларускім нацыянальным адборы 26 лістапада 2016 года^[3], і 30 лістапада гурт уключылі ў лік 13 фіналістаў нацыянальнага адбору з песняй «Гісторыя майго жыцця»^[4]. Фінал прайшоў 20 студзеня 2017 года, і гурт выйграў нацыянальны адбор: ён заняў 1-е месца па выніках галасавання журы і 5-е месца па выніках галасавання тэлегледачоў, стаўшы ўдзельнікам «Еўрабачання» ад Беларусі^[1]. Упершыню ў гісторыі «Еўрабачання» песня была выканана на беларускай мове — раней па-беларуску выступалі толькі ўдзельнікі Дзіцячага Еўрабачання^[2]. Беларусь выступіла ў другім паўфінале конкурсу 11 мая 2017 года^[5][6]. З гэтай песняй NAVI трапілі ў фінал конкурсу, дзе затым занялі 17-е месца.

Спіс трэкаў

Digital download[7]
№	Назва	Працягласць
1.	«Historyja majho žyccia (Story of My Life)» (Eurovision 2017)	2:59
2.	«Historyja majho žyccia (Story of My Life)» (Karaoke Version)	2:59

Выданні

Рэгіён	Дата	Фармат	Лэйбл
Свет	30 лістапада 2016	відэакліп	Н/Д
	7 сакавіка 2017	лічбавая дыстрыбуцыя	MediaCube Music

Зноскі

1. Granger, Anthony. Belarus: NAVI to Eurovision Song Contest 2017 (нявызн.). eurovoix.com. Eurovoix (20 студзеня 2017).
2. Mercereau, Damien (24 January 2017). "Eurovision 2017 : Navi, le groupe 100% Biélorusse"(фр.). Le Figaro. Праверана 15 March 2017.
3. ten Veen, Renske. BELARUS’ EUROVISION 2017 SELECTION: VADIM, NAVI AND VITALY VORONKO AMONG CONFIRMED APPLICANTS (нявызн.). wiwibloggs.com. Wiwibloggs (26 лістапада 2016).
4. Vasilyev, Mikhail. POLL: WHO SHOULD WIN BELARUS’ NATIONAL SELECTION FOR EUROVISION 2017? (нявызн.). wiwibloggs.com. Wiwibloggs (30 лістапада 2016).
5. Jordan, Paul. Kyiv to host Eurovision 2017! (нявызн.). eurovision.tv. European Broadcasting Union (9 верасня 2016). Праверана 11 September 2016.
6. Semi-Final Allocation Draw on Monday, pots revealed (нявызн.). eurovision.tv. European Broadcasting Union (21 студзеня 2016). Праверана 25 January 2016.
7. Historyja Majho Žyccia (Story of My Life) - Single (нявызн.). Праверана 16 March 2017.