Дазор-Б
From Wikipedia, the free encyclopedia
Remove ads
«Дазор-Б» (укр.: Дозор-Б) — украінскі бронеаўтамабіль з колавай формулай 4 × 4[1]. Упершыню прадстаўлены на выставе «Зброя та безпека-2004»[2]. Распрацаваны Харкаўскім канструктарскім бюро машынабудавання.
Remove ads
Апісанне
«Дазор-Б» прызначаны для транспарціроўкі асабістага складу і перавозкі грузаў ва ўмовах баявых дзеянняў (у тым ліку з ужываннем зброі масавага паражэння)[3]. Кампаноўка бронетранспарцёра выканана па аўтамабільнай схеме. Канструктыўна машына дзеліцца на два адсека: маторна-трансмісійны і заселены.
Корпус выкананы з бранявой сталі Armstall 500 польскай вытворчасці[4] і забяспечвае абарону экіпажа, дэсанту і ўнутранага абсталявання ад стралковай зброі, супрацьпяхотных мін і ўздзеяння зброі масавага паражэння[5]. Бранявая абарона корпуса забяспечвае абарону ад бранябойных куль стралковай зброі, выпушчаных з адлегласці 30 метраў, а таксама ад аскепкаў 152-мм аскепкава-фугаснага снарада, які спрацаваў на адлегласці 50 метраў[6]. Дно выканана з бранявой сталі, мае цыліндрычную форму для забеспячэння абароны ад мін[7].
Назіранне за мясцовасцю вырабляецца праз шклаблокі, а таксама праз дзённыя і начныя прыборы назірання[8].
На бранявік могуць быць устаноўлены два тыпу рухавіка: DEUTZ BF 4M 1013 FC (магутнасцю 190 к. с.)[9] або IVECO 8142.38.11 (магутнасцю 140 к. с.)[1].
На бронемашыну можа быць устаноўлена наступнае ўзбраенне: 12,7 мм зенітная кулямётная ўстаноўка[1], 30-мм аўтаматычны гранатамёт КБА-117[10], 130-мм супрацьтанкавы ракетны комплекс «Бар’ер»[3] і іншае.
Remove ads
Варыянты і мадыфікацыі
- «Дазор-А» — шматмэтавы аўтамабіль падвышанай праходнасці, упершыню паказаны на выставе «ISPEK-2004» у снежні 2004 года. Маса — 3,5 тон, грузападымальнасць — 2 тоны[11].
- «Дазор-Б» (В1320) — першы варыянт бронемашыны, доследны ўзор якой быў распрацаваны ў 2004—2007[12] і прадстаўлены на міжнароднай выставе ўзбраенняў «IDEX-2007» у лютым 2007 года[13][14]. Прапаноўваўся на экспарт[15], але серыйна не выпускаўся[16].
- «Дазор-Б» (В1320-1/В1320А) — другі варыянт бронемашыны, распрацаваны ў 2014—2015. Машына атрымала іншую кампаноўку дэсантнага адсека (умяшчальнасць узрасла з 9 да 10 чалавек); больш магутную лябёдку (цягавы высілак павялічана з 4100 да 6800 кгс); інструментальныя скрыні на бартах (што павялічыла шырыню машыны на 50 мм, да 2450 мм); новы паліўны бак (аб’ём павялічаны са 146 да 180 л); мадэрнізаваную панэль прыбораў, сістэму пастаноўкі дымавой заслоны, прыбор радыяцыйнай разведкі ДРГ-Т, абноўленую спадарожнікавую навігацыйную сістэму СН-3003М, аўтаматычную сістэму пажаратушэння, перадпускавы падагравальнік, выцяжныя вентылятары для парахавых газаў, лафет, электрападагрэў лабавога шкла і бакавых люстэркаў. У выніку, маса машыны павялічылася на 100 кг[17][18].
- «Oncilla»[19] — доследны мадэрнізаваны варыянт «Дазор-Б», выраблены ў Харкаве і прададзены ў Польшчу ў 2013 годзе[20]. Выпускаецца па ліцэнзіі польскай кампаніяй «Mista», мадыфікаваны для забеспячэння адпаведнасці стандартам НАТА па балістычнай і супрацьміннай абароне да ўзроўню 3 STANAG 4569[21].
- «Хорт» — варыянт з павялічанай да 3400 мм колавай базай, масагабарытны макет бронемашыны прадстаўлены ў студзені 2016 года[22].
Remove ads
Краіны-эксплуатанты
Крыніцы
Wikiwand - on
Seamless Wikipedia browsing. On steroids.
Remove ads