Дарожны затор

Дарожны затор, або аўтамабільная пробка^[1] — вялікая колькасць транспартных сродкаў на дарозе, якая рухаецца са значна меншай хуткасцю, чым звычайна на дадзенай частцы дарогі. Пры ўтварэнні затору значна зніжаецца прапускная здольнасць участка дарогі.

Дарожны затор у Дэлі, Індыя

Прычыны затораў

Прычына затораў на дарогах -- павелічэння шчыльнасці патоку аўтамабіляў і перавышэнне ёю прапускной здольнасці дарог, або зніжэнне прапускной здольнасці дарог.

Дарожны затор у Маскве

Павелічэнні патоку машын адбываюцца па наступных прычынах:

• масавыя сезонныя міграцыі насельніцтва да месцаў адпачынку і назад.
• штодзённыя паездкі на працу і назад.

Зніжэнні прапускной здольнасці дарогі адбываюцца па наступных прычынах:

• няправільная канструкцыя дарогі: наяўнасць рэзкіх звужэнняў, адсутнасць дадатковых палос разгону і тармажэння транспартных сродкаў, якія паварочваюць і заязджаюць на дарогу, брак "кішэняў" для спынення транспартных сродкаў;
• наяўнасць на дарогах рэзкіх заломаў, якія вымушаюць кіроўцаў зніжаць хуткасць для манеўру;
• наяўнасць скрыжаванняў з кругавым рухам;
• паркоўкі на правай паласе дарогі;
• дарожна-транспартнае здарэнне;
• неспрыяльныя ўмовы для руху: дождж, туман, снег, галалёд, задымленне і інш.;
• рамонт ці ўборка дарогі;
• дрэнна наладжаныя святлафоры, з-за якіх транспарт вымушаны спыняцца на ўсіх скрыжаваннях.