Дацэ Мэлбардэ

Дацэ Мэлбардэ (лат.: Dace Melbārde; нар. 3 красавіка 1971, Рыга) — латвійскі культурны, палітычны і дзяржаўны дзеяч. Дэпутат Еўрапейскага парламента з 18 чэрвеня 2019 года прадстаўляла «Нацыянальнае аб’яднанне». 22 жніўня 2022 года ўступіла ў партыйнае аб’яднанне «Новае адзінства». Была дырэктарам Латвійскага нацыянальнага культурнага цэнтра, міністрам культуры Латвіі (2013—2019) і дэпутатам Сейма Латвіі (2014—2019).

Дацэ Мэлбардэ
лат.: Dace Melbārde
дэпутат Сейма Латвіі[d] 4 лістапада 2014 — 5 лістапада 2014
Minister of Culture[d] 31 кастрычніка 2013 — 22 студзеня 2014
Папярэднік	Жанета Яўнзэмэ-Грэндэ
дэпутат Сейма Латвіі[d] 6 лістапада 2018 — 31 студзеня 2019
дэпутат Еўрапейскага парламента 2 ліпеня 2019 — 6 мая 2024
Пераемнік	Ansis Pūpols[d]
Minister of Culture[d] 22 студзеня 2014 — 5 лістапада 2014
Minister of Culture[d] 5 лістапада 2014 — 11 лютага 2016
Minister of Culture[d] 11 лютага 2016 — 23 студзеня 2019
Minister of Culture[d] 23 студзеня 2019 — 19 чэрвеня 2019
Пераемнік	Kaspars Gerhards[d]
Нараджэнне	3 красавіка 1971(1971-04-03) (54 гады) Рыга, Латвійская Савецкая Сацыялістычная Рэспубліка, СССР
Партыя	Нацыянальнае аб’яднанне (2022) Новае адзінства
Адукацыя	Латвійскі ўніверсітэт Латвійская акадэмія культуры
Узнагароды
Медыяфайлы на Вікісховішчы

Біяграфія

У перыяд з 1992 па 1995 гады была галоўным спецыялістам па асветніцкай і інфармацыйнай рабоце ў Латвійскім ваенным музеі. З 1994 па 1996 гады кіравала культурным цэнтрам пры Латвійскай паліцэйскай акадэміі. З 1996 па 1999 гады — намеснік дырэктара Дзяржаўнага цэнтра маладзёжных ініцыятыў. Пасля гэтага да 2004 года яна была генеральным сакратаром Латвійскай нацыянальнай камісіі ЮНЕСКА. З 2003 па 2005 гады — старшыня савета па захаванні і развіцці Рыжскага гістарычнага цэнтра. З 2004 па 2006 гады — член Савета кабінета міністраў «Адукацыя для ўсіх».

З 2004 па 2009 гады яна была намеснікам дзяржаўнага сакратара па пытаннях культурнай палітыкі ў Міністэрстве культуры Латвіі. У перыяд з 2005 па 2009 гады — член мастацкай рады Агульналатвійскага фестывалю песні і танца. Наступныя два гады яна ўзначальвала прадстаўніцтва Брытанскай савета ў Латвіі. У 2011 годзе стала дырэктарам Цэнтра культурнай адукацыі і нематэрыяльнай спадчыны і займала гэтую пасаду да 2013 года, калі стала міністрам культуры. Пасля ўступлення на пасаду міністра культуры з 31 кастрычніка 2013 г. была членам саветаў Дзяржаўнага фонду культурнага капіталу і Фонду інтэграцыі грамадства.

У 2001 годзе атрымала ўзнагароду Міністэрства замежных спраў Латвіі за заслугі ва ўмацаванні Латвійскай дзяржавы. У 2005 годзе ёй уручылі прэмію Spidolas за паспяховую працу па распрацоўцы асноўных напрамкаў нацыянальнай культурнай палітыкі. У 2013 годзе атрымала Ліст падзякі Кабінета міністраў за «значны ўклад у галіне нематэрыяльнай культурнай спадчыны, у аб’яднанне грамадства і ўмацаванне традыцыі Уселатышскага свята песні і танца». У 2013 годзе Дацэ Мэлбардэ была ўзнагароджана ордэнам Трох Зорак чацвёртай ступені.