Джон Карпентэр

У Вікіпедыі ёсць артыкулы пра іншых людзей з прозвішчам Карпентэр.

Джон Говард Карпентэр (англ.: John Howard Carpenter; нар. 16 студзеня 1948(1948-01-16)^[1][2][…], Carthage^[d], штат Нью-Ёрк ці Jefferson County^[d], штат Нью-Ёрк) — амерыканскі кінарэжысёр, сцэнарыст, прадзюсар і кінакампазітар. На працягу амаль саракагадовай кінакар’еры Карпентэр зняў шэраг фільмаў у жанрах жахаў і навуковай фантастыкі, некаторыя з якіх атрымалі сусветнае прызнанне і культавы статус. Будучы незалежным рэжысёрам, ён зняў свой першы поўнаметражны фільм «Цёмная зорка» ў 1974 годзе, калі яму было ўсяго 25 гадоў. Праз два гады ён зняў баявік «Напад на 13-ы ўчастак». Яшчэ праз два гады, у 1978 годзе, выйшаў фільм жахаў «Хэлаўін», ён меў вялікі касавы поспех, а таксама вельмі станоўчыя водгукі крытыкаў. Пасля гэтага Джон Карпентэр пачаў лічыцца адным з самых прыбытковых рэжысёраў і пачалася яго кар’ера ў Галівудзе.

Джон Карпентэр
англ.: John Carpenter
Дата нараджэння	16 студзеня 1948(1948-01-16)[1][2][…] (77 гадоў)
Месца нараджэння	Carthage[d], Jefferson County[d], штат Нью-Ёрк, ЗША або Jefferson County[d], штат Нью-Ёрк, ЗША
Грамадзянства	ЗША
Жонка	Adrienne Barbeau[d] і Sandy King[d]
Дзеці	Cody Carpenter[d]
Адукацыя	Універсітэт Паўднёвай Каліфорніі Школа кінематаграфічных мастацтваў Універсітэта Паўднёвай Каліфорніі[d] Заходне-Кентукійскі ўніверсітэт
Прафесія	кінарэжысёр, сцэнарыст, кампазітар, рэжысёр, кінапрадзюсар, акцёр, прадзюсар, кінакампазітар, кінасцэнарыст, пісьменнік
Кірунак	фільм жахаў, навукова-фантастычны фільм[d], навукова-фантастычны фільм жахаў[d], трылер[d], фільм-містэрыя[d], фэнтэзійны фільм, псіхалагічны фільм жахаў[d], баявік, supernatural horror film[d], псіхалагічны фільм-трылер[d], драматычны фільм, slasher film[d], крымінальны фільм[d], гатычны фільм жахаў[d], гатычны фільм[d], body horror film[d], suspense film[d], крымінальны трылер[d], psychological drama film[d] і crime drama film[d]
Член у	Writers Guild of America West[d]
Прэміі	Time Machine Award[d] (2008)
Узнагароды	Прэмія Джорджа Пала[d] Bram Stoker Award for Lifetime Achievement[d] (2007)
IMDb	ID 0000118
theofficialjohncarpenter.com (англ.)
Медыяфайлы на Вікісховішчы

Фільмы Карпентэра часта былі малабюджэтнымі, яны вылучаюцца адсутнасцю вынаходніцтваў у аператарскай працы, а таксама мінімалістычнай музыкай, якую Карпентэр напісаў сам да пераважнай большасці сваіх фільмаў. За музыку да фільма «Вампіры» ён атрымаў прэмію «Сатурн» у 1999 годзе. Яго стыль і ўплыў на жанр паслужылі таму, што рэжысёр атрымаў статус «майстра жахаў». Яго музыка аказала вялікі ўплыў на фарміраванне жанру сінтвейв.

Сёння многія з яго фільмаў сталі эталонамі фільмаў жахаў і навуковай фантастыкі, у тым ліку «Туман», «Уцёкі з Нью-Ёрка», «Нешта», «Крысцін», «Вялікі перапалох у маленькім Кітаі», «Чужыя сярод нас» і «У пашчы вар’яцтва».