Джордж Герберт

Джордж Герберт (англ.: George Herbert, 3 красавіка 1593, Мантгомеры, Уэльс — 1 сакавіка 1633, Бемертан, Уілтшыр) — выбітны англійскі паэт-метафізік, аўтар духоўнае лірыкі, англіканскі святар.

Джордж Герберт
George Herbert
Джордж Герберт, рыціна Роберта Уайта 1674
Асабістыя звесткі
Дата нараджэння	3 красавіка 1593(1593-04-03)[1][2]
Месца нараджэння	Мантгомеры[d], Montgomery[d], Графства Повіс, Уэльс, Каралеўства Англія
Дата смерці	1 сакавіка 1633(1633-03-01)[2] (39 гадоў)
Месца смерці	Бемертан[d], Солсберы, Уілтшыр[d], графства Уілтшыр, Вялікабрытанія
Грамадзянства	Каралеўства Англія Уэльс
Бацька	Richard Herbert, Lord of Cherbury[d][3][4]
Маці	Magdalen Herbert[d][3][4]
Жонка	Jane Danvers[d]
Альма-матар	Трыніці-каледж школа Вестмінстэр[d]
Прафесійная дзейнасць
Род дзейнасці	святар, паэт, пісьменнік, палітык
Кірунак	метафізічная паэзія
Жанр	барока
Мова твораў	англійская
Грамадская дзейнасць
Член у	4-ы парламент Якава I[d]
Медыяфайлы на Вікісховішчы

У Вікіпедыі ёсць артыкулы пра іншых людзей з імем Герберт.

Біяграфія

Нарадзіўся ў багатай арыстакратычнай сям’і. Маці Магдалена была сяброўкай і апякункай Джона Дона, старэйшы брат Эдвард — буйным паэтам і філосафам-дэістам. Бацька памёр, калі Джорджу было тры гады, пакінуўшы ўдаву з дзесяццю дзецьмі^[5].

Джордж навучаўся ў Вэстмінстэрскай школе, пасля ў кембрыджскім Каледжы Тройцы (1609—1613). З 1618 выкладаў рыторыку ў Кембрыджскім універсітэце, у 1620—1628 быў грамадскім аратарам універсітэта. З 1624 — дэпутат парламенту. Яго кар’ерай апекаваўся Якаў I, пакуль не памёр. У 1627 памерла маці Герберта.

Вітраж у царкве Св. Андрэя ў Бемертане. Джордж Герберт і яго сябар Нікалас Ферэр.

У 1630 Герберт стаў вясковым святаром у парафіі Бемертана, за 75 міляў ад Лондана, дзе правёў рэшту жыцця. У 1633 скончыў кнігу вершаў «Храм». Ужо цяжка хворы, склаў таксама практычнае кіраўніцтва для святароў. Памёр ад сухотаў, адпісаўшы рукапіс кнігі Храм Нікаласу Ферэру, заснавальніку англіканскай рэлігійнай грамады ў Літл Хідынгу (Хантынгданшыр). Пасля яго смерці кніга вытрымала 8 выданняў.

Герберт пісаў таксама вершы на грэчаскай і лацінскай мовах.

Памяць

Залічаны да ліку святых англіканскае царквы, дзень памяці адзначаецца 27 лютага. Евангельская лютэранская царква ў Амерыцы адзначае яго дзень згодна з Календаром святых 1 сакавіка.

Беларускія пераклады

Верш «Адкупленне» на беларускую мову пераклаў Лявон Баршчэўскі^[6].

Зноскі

1. Lundy D. R. George Herbert // The Peerage

   <a href='https://wikidata.org/wiki/Track:Q67129259'></a><a href='https://wikidata.org/wiki/Track:Q21401824'></a>
2. George Herbert // Proleksis enciklopedija, Opća i nacionalna enciklopedija — 2009.

   <a href='https://wikidata.org/wiki/Track:Q3407324'></a>
3. Lundy D. R. The Peerage

   <a href='https://wikidata.org/wiki/Track:Q67129259'></a><a href='https://wikidata.org/wiki/Track:Q21401824'></a>
4. Kindred Britain

   <a href='https://wikidata.org/wiki/Track:Q75653886'></a>
5. Amy M. Charles. A Life of George Herbert. — Cornell University Press, 1977. — С. 28.
6. І боль, і прыгажосць…: выбраныя творы паэтаў Еўропы і Амерыкі ў перакладах Лявона Баршчэўскага. — Мінск : Зміцер Колас, 2016. — 452, [1] с. — (Бібліятэка Саюза беларускіх пісьменнікаў «Кнігарня пісьменніка»; вып. 73).