Джулія Краўч

Джулія Крауч (англ.: Julia Crouch, нарадзілася 2 ліпеня 1967)^[1] — брытанскі юрыст і дыпламат. З 11 верасня 2023 года займае пасаду губернатара Ангільі^[2]. Афіцэр Ордэна Брытанскай імперыі (OBE).

Джулія Краўч
англ.: Julia Crouch
15-ы Губернатар Ангільі[d] з 11 верасня 2023
Папярэднік	Dileeni Daniel-Selvaratnam[d]
Нараджэнне	2 ліпеня 1967(1967-07-02) (58 гадоў)
Узнагароды

Біяграфія

Пасля навучання ў Хенлі-он-Тэмз яна атрымала ступень бакалаўра права (LLB) у Уэдэм-каледжы ў Оксфардзе.

Пасля прафесійнай юрыдычнай падрыхтоўкі ва Нотынгемскім Трэнцкім ўніверсітэце, у 1992 годзе Краўч атрымала кваліфікацыю адваката. Да 2005 года яна займалася прыватнай практыкай, працавала у юрыдычных кансультацыйных цэнтрах і ў дабрачынным сектары, пакуль не была прызначана дзяржаўным юрыстам. Затым займала розныя юрыдычныя пасады ў шэрагу ведамстваў, пакуль у 2018 годзе не далучылася да Міністэрства замежных спраў і па справах Садружнасці, дзе была намесніцай дырэктара па аналізе інфармацыі ў рамках рабочай групы па COVID-19. У 2020 годзе перайшла ў дыпламатычную службу, дзе вфыконвала абавязкі намесніка кіраўніка місіі (пазней — кіраўніка эканамічнага і глабальнага кірунку) у Маскве.^[2]

У маі 2023 года ўрад Вялікабрытаніі абвясціў пра прызначэнне Краўч губернатарам Ангільі. 11 верасня 2023 года яна афіцыйна ўступіла на пасаду.^[3][4]

У пачатку 2025 года Краўч скарысталася сваімі паўнамоцтвамі для роспуску Палаты сходаў перад агульнымі выбарамі. На выбарах перамог апазіцыны «Аб’яднаны фронт Ангільі», а Кора Рычардсан-Ходж стала першай жанчынай прэм’ер-міністрам Ангільі.^[5][6][7]

Узнагароды

• Афіцэр Ордэна Брытанскай імперыі (OBE)^[8].