Дзвінская праўда

Дзвінская праўда — раённая газета Верхнядзвінскага раёна Віцебскай вобласці. Выдаецца з 1931 года. Заснавальнікі: Верхнядзвінскі раённы выканаўчы камітэт і Верхнядзвінскі раённы Савет дэпутатаў.

«Дзвінская праўда»
Тып	газета
Заснавальнік	Верхнядзвінскі раённы выканаўчы камітэт і Верхнядзвінскі раённы Савет дэпутатаў
Галоўны рэдактар	Яніна Станіславаўна Пакульневіч
Заснавана	1931
Мова	беларуская, руская
Перыядычнасць	два разы на тыдзень
Галоўны офіс	Верхнядзвінск, вул. Міра, 6
Тыраж	3500
Узнагароды	Грамата Прэзідыума Вярхоўнага Савета БССР
Вэб-сайт	d-p.by

Гісторыя

Першы нумар газеты выйшаў 20 лістапада 1931 года. Тады газета называлася «Звязда на рубяжы». У 1940 годзе газета перайменавана ў «Патрыёт Радзімы». У ваенны час выйшла толькі два нумары газеты.

У 1963 годзе газета набыла назву «Дзвінская праўда».

Творчае станаўленне ў газеце прайшлі ўдзельнікі вайны Ф. Быкоўскі, А. Купцоў, А. Осіпаў, І. Касач. Прыкметны след у гісторыі газеты пакінулі І. Блахін, В. Іваноў, І. Сцяпанаў, В. Зелянкевіч, А. Паршута, М. Гінзбург, У. Станкевіч, А. Бядунька, П. Кавалеўскі, У. Антуськаў, Г. Зотаў, Д. Жук, А. Войтаў, У. Раманоўскі, Г. Шаршнёў, Э. Зубрыцкі, У. Філімонаў, А. Бубала.

Рэдактары

• У. І. Якубец-Якубчык
• Р. Я. Рыц (1947—1954, былы афіцэр-артылерыст, настаўнік гісторыі)
• Л. І. Каміцкі
• У. І. Белавусаў
• М. П. Арлоў (1980—?)
• Яніна Станіславаўна Пакульневіч (з 2003)^[1][2]

Зноскі

1. О газете (нявызн.)(недаступная спасылка). Архівавана з першакрыніцы 24 красавіка 2020. Праверана 17 лютага 2020.
2. Дзвінская праўда, газета, Верхнядзвінскі раён. г. Верхнядзвінск