Дзень Незалежнасці Рэспублікі Беларусь

Не блытаць з Днём Незалежнасці (Днём Волі) — неафіцыйным беларускім святам, прымеркаваным да дня абвяшчэння незалежнасці Беларускай Народнай Рэспублікі 25 сакавіка 1918 года.

Дзень Незалежнасці Рэспублікі Беларусь (Дзень Рэспублікі) — галоўнае дзяржаўнае свята. Адзначаецца 3 ліпеня — у дзень вызвалення ў 1944 годзе горада Мінска ад нацысцкіх захопнікаў. Рашэнне аб святкаванні Дня Незалежнасці Рэспублікі Беларусь 3 ліпеня было прынята на рэферэндуме 1996-га года. Да таго часу ён адзначаўся 27 ліпеня — у гэты дзень у 1990-м Вярхоўны Савет БССР прыняў дэкларацыю аб дзяржаўным суверэнітэце Беларусі.

Паштовая марка, прысвечаная Дню Незалежнасці

Дзень Незалежнасці Рэспублікі Беларусь
Срэбраная манета НБ РБ, прысвечаная Дню Незалежнасці
Тып	Дзяржаўнае
інакш	Дзень Рэспублікі
Значэнне	У гэты дзень у дзень у 1944 годзе сталіца Беларусі — горад Мінск быў вызвалены ад нацысцкіх захопнікаў
Дата	3 ліпеня
Святкаванне	канцэрты, парады, салюты

Галоўнае мерапрыемства свята — урачысты парад. Упершыню парад з удзелам ваеннай тэхнікі, авіяцыі і пешых разлікаў прайшоў у Мінску 3 ліпеня 1997 года, тады яго правялі на плошчы Незалежнасці. Парада на галоўнае дзяржаўнае свята не было ў 1999 годзе, мерапрыемства адмянілі з-за трагедыі на Нямізе. У 2021 годзе ваенны парад таксама не прайшоў — тады аб прычыне яго адмены не паведамлялася. У 2022 годзе парад ізноў не адбыўся^[1].

Гл. таксама

• Дзень Волі

Зноскі

1. bel.sputnik.by