Дзмітрый Фёдаравіч Аяцкаў

расійскі палітык From Wikipedia, the free encyclopedia

Дзмітрый Фёдаравіч Аяцкаў
Remove ads

Дзмітрый Фёдаравіч Аяцкаў (нар. 9 лістапада 1950, сяло Калініна (цяпер Сталыпіна) Балтайскага раёна Саратаўскай вобласці) — расійскі палітычны і дзяржаўны дзеяч, кіраўнік адміністрацыі (1996) і першы губернатар Саратаўскай вобласці (1996—2005).

Хуткія факты Дзмітрый Фёдаравіч Аяцкаў, 5-ы Надзвычайны і Паўнамоцны Пасол Расійскай Федэрацыі ў Рэспубліцы Беларусь ...
Remove ads

Біяграфія

Пачаў працоўную дзейнасць у калгасе механізатарам. У 1969—1971 гадах праходзіў службу ў шэрагах Узброеных сіл СССР (палкоўнік запасу).

Атрымаў дзве вышэйшыя адукацыі: сельскагаспадарчую і эканамічную.

Пасля сканчэння Саратаўскага сельскагаспадарчага інстытута працаваў галоўным аграномам у гаспадарках Тацішчаўскага і Балтайскага раёнаў Саратаўскай вобласці.

З 1992 па 1996 год працаваў на пасадзе намесніка мэра, першага намесніка часткі адміністрацыі горада Саратава.

У 1994—1996 гадах — абраны дэпутат Савета Федэрацыі Федэральнага сходу Расійскай Федэрацыі ад Саратаўскай вобласці, з 1996 па 2000 год — член Савета Федэрацыі Федэральнага Сходу Расійскай Федэрацыі (па пасадзе), член Камітэта па бяспецы і абароне. Член Камітэта па міжнародных справах Рады Федэрацыі з 5 чэрвеня па 26 снежня 1996 года, член Камітэта па навуцы, культуры, адукацыі, ахове здароўя і экалогіі Савета Федэрацыі з 26 снежня 1996 года па 19 снежня 2000 года.

15 красавіка 1996 года прызначаны ўказам прэзідэнта Расійскай Федэрацыі кіраўніком адміністрацыі Саратаўскай вобласці[2]. 1 верасня 1996 года быў абраны губернатарам Саратаўскай вобласці.

17 мая 1998 года на сустрэчы з прэзідэнтам ЗША Білам Клінтанам, якая праходзіла ў Бірмінгеме, прэзідэнт Расіі Барыс Ельцын адрэкамендаваў Аяцкава, які яго суправаджаў, амерыканскаму кіраўніку як свайго наступніка на найвышэйшай дзяржаўнай пасадзе Расіі. Аднак ужо на наступны дзень, 18 мая, Сяргей Ястржэмбскі, які быў у той час прэс-сакратаром Ельцына, фактычна нівеляваў гэту заяву прэзідэнта, сказаўшы, што словы Ельцына пра Аяцкава-наступніка варта расцэньваць «з пункту гледжання здаровага гумару» і «прэзідэнт сказаў пра гэта паўжартам»[3][4].

У 1999 годзе на з’ездах VI і VII уваходзіў у прэзідыум партыі «Наш дом — Расія»[5][6].

З 25 верасня 1999 года па 28 мая 2004 года — саветнік па мясцовым самакіраванні ў Расійскай Федэрацыі[7][8].

З 18 кастрычніка 1999 года па 8 жніўня 2001 года — член Камісіі пры прэзідэнце Расійскай Федэрацыі па ўзаемадзеянні федэральных органаў дзяржаўнай улады і органаў дзяржаўнай улады суб’ектаў Расійскай Федэрацыі пры правядзенні канстытуцыйна-прававой рэформы ў суб’ектах Расійскай Федэрацыі[9][10].

26 сакавіка 2000 года абраны губернатарам Саратаўскай вобласці на другі тэрмін.

З 29 мая 2001 года па 22 мая 2006 года — прадстаўнік дэлегацыі Расійскай Федэрацыі ў Палаце рэгіёнаў Кангрэса мясцовых і рэгіянальных улад Еўропы[11][12][13].

У 2003 годзе Дзмітрый Аяцкаў стаў адным з апошніх у спісе папулярнасці рэгіянальных кіраўнікоў сучаснай Расіі, складзенага па выніках апытання Фонду «Общественное мнение» (ФОМ). Незадаволенасць яго дзейнасцю на пасадзе губернатара выказалі 65 % насельніцтва вобласці, грунтуючыся на дадзеных рэпрэзентацыйнага апытання 1000 чалавек[14].

У 2005 годзе, пасля скасавання выбараў кіраўнікоў рэгіёнаў, прэзідэнт Уладзімір Пуцін не стаў прапаноўваць кандыдатуру Аяцкава для перапрызначэння губернатарам вобласці. Замест гэтага ў сакавіку 2005 года Аяцкаў быў прызначаны паслом Расіі ў Беларусі[15]. Аднак 19 ліпеня 2005 года, на прэс-канферэнцыі ў Саратаве, якую ён даў ужо пасля атрымання агрэмана, то бок афіцыйнай згоды на прыезд у Мінск у якасці пасла, Аяцкаў прапанаваў беларускаму прэзідэнту Аляксандру Лукашэнку «перастаць дзьмуць шчокі»[16]. Гэтыя словы выклікалі скандал, і прызначэнне не адбылося[17].

Восенню 2005 года прайшла інфармацыя пра тое, што Дзмітрый Аяцкаў зойме пост памочніка паўпрада прэзідэнта Расіі ў Прыволжскай федэральнай акрузе. У пачатку 2006 года Аяцкаў адкрыў у Саратаве грамадскую прыёмную і заняўся напісаннем мемуараў.

Восенню 2006 года прызначаны памагатым кіраўніка Адміністрацыі прэзідэнта Расіі.

З 21 сакавіка 2007 года па 12 ліпеня 2012 года — член кансультацыйнай камісіі Дзяржаўнага савета Расійскай Федэрацыі[18][19].

З 28 ліпеня 2011 года па 30 лістапада 2013 года — дырэктар Паволжскай акадэміі дзяржаўнай службы імя П. А. Сталыпіна — філіяла Расійскай акадэміі народнай гаспадаркі і дзяржаўнай службы пры Прэзідэнце Расійскай Федэрацыі[20].

З’яўляецца членам «Ізборскага клуба», створанага ў 2012 годзе.

У 2013 годзе стаў прэзідэнтам Прыволжскай кніжнай палаты[21] і ініцыятарам правядзення ў Саратаве міжнароднага кніжнага кірмашу «Волжская волна»[22].

24 сакавіка 2014 года прызначаны саветнікам апарата саветнікаў і памочнікаў губернатара Саратаўскай вобласці Валерыя Радаева па аграрных пытаннях[23].

У 2017 годзе абраны прэзідэнтам Саратаўскага дзяржаўнага тэхнічнага ўніверсітэта імя Ю. А. Гагарына[24].

Remove ads

Зноскі

  1. [1]
    https://izborsk-club.ru/11016
  2. [2]
    Указ Президента Российской Федерации от 15.04.1996 г. № 559 «О главе администрации Саратовской области»
  3. [3]
    Саратовский след Бориса Ельцина
  4. [4]
    Аяцков Дмитрий Федорович. Полная биография Архівавана 5 сакавіка 2016 года.
  5. [5]
    Дмитрий Аяцков в президиуме на VI партии «Наш дом — Россия» Архівавана 5 мая 2014.// РИА Новости, 24 апреля 1999 г.
  6. [6]
    Дмитрий Аяцков в президиуме на VII партии «Наш дом — Россия» Архівавана 8 лютага 2016.// РИА Новости, 28 август 1999 г.
  7. [7]
    Указ Президента Российской Федерации от 25.09.1999 г. № 1271 «Об утверждении состава Совета по местному самоуправлению в Российской Федерации»
  8. [8]
    Указ Президента Российской Федерации от 28.05.2004 г. № 701 «О признании утратившими силу некоторых актов Президента РСФСР и Президента Российской Федерации»
  9. [9]
    Указ Президента Российской Федерации от 18.10.1999 г. № 1393 «Об утверждении состава Комиссии при Президенте Российской Федерации по взаимодействию федеральных органов государственной власти и органов государственной власти субъектов Российской Федерации при проведении конституционно-правовой реформы в субъектах Российской Федерации»
  10. [10]
    Указ Президента Российской Федерации от 08.08.2001 г. № 1003 «О признании утратившими силу указов Президента Российской Федерации в связи с изданием Указа Президента Российской Федерации от 21.06.2001 г. № 741 „О Комиссии при Президенте Российской Федерации по подготовке предложений о разграничении предметов ведения и полномочий между федеральными органами государственной власти, органами государственной власти субъектов Российской Федерации и органами местного самоуправления“»
  11. [11]
    Распоряжение Президента Российской Федерации от 29.05.2001 г. № 290-рп «Об утверждении состава делегации Российской Федерации для участия в Конгрессе местных и региональных властей Европы»
  12. [12]
    Распоряжение Президента Российской Федерации от 08.05.2002 г. № 201-рп «Об утверждении состава делегации Российской Федерации для участия в Конгрессе местных и региональных властей Европы в 2002—2004 годах»
  13. [13]
    Распоряжение Президента Российской Федерации от 22.04.2004 г. № 179-рп «Об утверждении состава делегации Российской Федерации для участия в Конгрессе местных и региональных властей Европы в 2004—2006 годах»
  14. [14]
    Интегрум. Дмитрий Аяцков. Архівавана з першакрыніцы 24 жніўня 2011. Праверана 02.09.2009.
  15. [15]
    Указ Президента Российской Федерации от 14.07.2005 г. № 800 «О назначении Аяцкова Д. Ф. Чрезвычайным и Полномочным послом Российской Федерации в Республике Белоруссия»
  16. [16]
    Щёки Лукашенко обретут свободу (Газета.Ru)(недаступная спасылка). Архівавана з першакрыніцы 11 студзеня 2012. Праверана 02.09.2009.
  17. [17]
    Указ Президента Российской Федерации от 30.11.2005 г. № 1379 «О признании утратившим силу Указа Президента Российской Федерации от 14.07.2005 г. № 800 „О назначении Аяцкова Д. Ф. Чрезвычайным и Полномочным послом Российской Федерации в Республике Белоруссия“»
  18. [18]
    Распоряжение Президента Российской Федерации от 21.03.2007 г. № 123-рп «О включении в состав консультативной комиссии Государственного совета Российской Федерации Аяцкова Д. Ф.»
  19. [19]
    Распоряжение Президента Российской Федерации от 12.07.2012 г. № 305-рп «Об исключении из состава консультативной комиссии Государственного совета Российской Федерации Аяцкова Д. Ф., Жамсуева Б. Б. и Потапова Л. В.»
  20. [20]
    Дмитрий Аяцков покинул пост директора ПИУ
  21. [21]
    Дмитрий Аяцков о создании книжной палаты: «Придёт время, когда мы будем бороться с электронными носителями» (руск.). Свободные (21 лістапада 2013). Праверана 10 снежня 2020.
  22. [22]
    Дмитрий Аяцков призвал объявить книжную ярмарку новым саратовским брендом (руск.). Свободные (15 чэрвеня 2015). Праверана 10 снежня 2020.
  23. [23]
    Дмитрий Аяцков назначен советником губернатора Саратовской области(недаступная спасылка). Архівавана з першакрыніцы 6 мая 2014. Праверана 18 студзеня 2022.
  24. [24]
    Аяцков Дмитрий Федорович — Саратовский государственный технический университет имени Гагарина Ю. А. Архівавана 9 ліпеня 2021.
Remove ads
Loading related searches...

Wikiwand - on

Seamless Wikipedia browsing. On steroids.

Remove ads
Remove ads