Дзмітрый Фёдаравіч Сангушка

Дзмітрый Сангушка^[3] (1530 — 3 лютага 1554) — дзяржаўны дзеяч Вялікага Княства Літоўскага.

Дзмітрый Сангушка
Дзмітрый Сангушка. Невядомы мастак, XVIII ст.
Герб «Пагоня Літоўская»
Нараджэнне	1530
Смерць	3 лютага 1554(1554-02-03) Ярамерж, раён Нахад[d], Чэхія[1]
Месца пахавання	Ярамерж[1]
Род	Сангушкі
Бацька	Фёдар Сангушка
Маці	Ганна Бранкавіч[d][2]
Жонка	Гальшка Астрожская

Трымаў Жытомірскае, Канеўскае і Чаркаскае староствы.

Біяграфія

З княжацкага роду Сангушкаў герба «Пагоня Літоўская», сын Фёдара, старосты брацлаўскага. Меў малодшага брата Рамана.

15 верасня 1553 ажаніўся з Гальшкаю Астрожскаю, супраць волі яе маці Беата з Касцялецкіх. Апошняя напісала скаргу вялікаму князю Жыгімонту Аўгусту, які пазбавіў Дзмітрыя пасад і пастанавіў з'явіцца яму ў каралеўскі суд. Маладыя выправіліся на ўцёкі ў Чэхію. За няяўлю на суд вялікі князь прусудзіў З. Сангушку да інфаміі — пазбаўлення гонару, выгнання з дзяржавы, канфіскацыі маёмасці і абавязання вярнуць Гальшку маці. Кожны ахвочы мог яго беспакарана забіць і атрымаць узнагароду. Неўзабаве гэта зрабіў Марцін Збароўскі, які жадаў выдаць Гальшку за аднаго са сваіх сыноў.

11 лютага 1554 З. Сангушку пахавалі ў Яромежы ў касцёле Святога Мікалая. На фундаванай сваякамі каменнай пліце змясцілі наступны надпіс:

Тут спачывае прах слаўнага літоўскага князя з вядомага дому Альгерда, старосты чаркаскага і канеўскага, па-здрадніцку і вераломна забітага Марцінам Збароўскім. Арыгінальны тэкст (лац.)   Hoc loco conditur corpus clari lithuuaniae ducis Dimithr Sanduskowic ex magnifica Olgerdorum familia nati, capitanei Cyrkoviensis et Kanowiensis, quem perfide insidiose Martinus Zborovski trucidavit

Каля 1860 Сангушкі паставілі новую пліту, але ўжо без імя забойцы.

Зноскі

1. Kniaziowie litewsko-ruscy od końca czternastego wieku / пад рэд. J. Wolff — Warszawa: 1895. — С. 433.

   <a href='https://wikidata.org/wiki/Track:Q125352562'></a>
2. Kniaziowie litewsko-ruscy od końca czternastego wieku / пад рэд. J. Wolff — Warszawa: 1895. — С. 431–432.

   <a href='https://wikidata.org/wiki/Track:Q125352562'></a>
3. Сліўкін В. Князі Палубенскія // «Лідскі Летапісец» № 1 (49), 2010