Дзмітрый Юр’евіч Мерзлякоў

Дзмітрый Юр’евіч Мерзлякоў (нар. 10 снежня 1964, г. Свярдлоўск, РСФСР)  — беларускі архітэктар.

Дзмітрый Юр’евіч Мерзлякоў
Дата нараджэння	10 снежня 1964(1964-12-10) (60 гадоў)
Месца нараджэння	Свярдлоўск, Свярдлоўская вобласць, РСФСР, СССР
Альма-матар	Інстытут жывапісу, скульптуры і архітэктуры імя І. Я. Рэпіна (1990)
Месца працы	Творчая майстэрня архітэктара Маскалевіча Л. В.[d] Творчая майстэрня архітэктара Патапава Ю. Ф.[d] КМК-2[d]
Член у	Беларускі саюз архітэктараў

У Вікіпедыі ёсць артыкулы пра іншых людзей з прозвішчам Мерзлякоў.

Біяграфія

Скончыў у 1990 годзе ленінградскі Інстытут жывапісу, скульптуры і архітэктуры імя І. Я. Рэпіна па спецыяльнасці «Архітэктар-мастак» (выкладчыкі В. С. Валансевіч, В. А. Ухаў, Б. І. Кахно).  У 1990—1994 гадах працаваў у «Творчай майстэрні архітэктара Л. В. Маскалевіча»; у 1994—1997 гадах у «Творчай майстэрні архітэктара Ю. Ф. Патапава»; з 1997 года ў праектным прадпрыемстве ТАА «КМК-2».

Член Беларускага саюза архітэктараў з 2003 года.

Узнагароды

Узнагароджаны дыпломам лаўрэата Саюза архітэктараў СССР за праект «Будынкі з нетрадыцыйных матэрыялаў метадам безапалубнага маналіта» (у складзе аўтарскага калектыва) (1991), дыпломам БСА II ступені ў намінацыі «Інтэр’еры адміністрацыйнага будынка па вул. Панамарэнкі ў г. Мінску» (аўтарскі калектыў у складзе Д. Мерзлякоў, Ю. Вірасаў, А. Калінін) (1999). Пераможца Рэспубліканскага агляду-конкурсу на лепшы твор года ў намінацыі «Індывідуальныя катэджныя і дачныя домікі» за праекты жылых дамоў катэджнага тыпу для індывідуальных забудоўшчыкаў (1995), у намінацыі «Інтэр’еры будынкаў і збудаванняў» за праект рэстарана «У Францыска» ў г. Мінску (2002). Узнагароджаны дыпломам лаўрэата БСА на VI нацыянальным фестывалі архітэктуры ў намінацыі «Інтэр’еры» за праект інтэр’ераў фізкультурна-аздараўленчага цэнтра Нацыянальнага банка РБ у заказніку «Азёры» Гродзенскага р-на (аўтарскі калектыў у складзе: Д. Мерзлякоў, А. Клябанская, А. Чахлова, М. Ярмоленка) (2005).

Зноскі