Дзямідавічы (Чашніцкі раён)

У паняцця ёсць і іншыя значэнні, гл. Дзямідавічы.

Дзямі́давічы^[1] (трансліт.: Dziamidavičy, руск.: Демидовичи) — вёска ў Чашніцкім раёне Віцебскай вобласці. Уваходзіць у склад Іванскага сельсавета.

Вёска Дзямідавічы Краіна Беларусь Вобласць Віцебская Раён Чашніцкі Сельсавет Іванскі Каардынаты 54°58′04″ пн. ш. 29°07′46″ у. д.HGЯO Насельніцтва ▼126 чал. (2009) Часавы пояс UTC+3 Тэлефонны код +375 2133 Аўтамабільны код 2 СААТА 2251808021 Дзямідавічы на карце Беларусі ±

Гісторыя

Вядомы прынамсі з 1552 года, калі згадваюцца Рэвізіяй як «людзі Дзямідаўскія» «над ракой Улай» сярод уладанняў полацкага Іаана-Прадцечанскага манастыра.^[2] З маскоўскай пісцовай кнігі Полацкага павета 1563 года вядома, што гэтыя «людзі» былі часткай манастырскіх уладанняў з цэнтрам у сяльцы Іванаўскім.

Рэвізоры ў 1580 годзе адзначалі, што раней гэтыя "людзі" давалі на манастыр кожны 4 сноп з усяго збожжа і палову мёду з усіх борцяў, але на час рэвізіі ўсе "разышліся прэч", што пэўна было наступствам Лівонскай вайны (1558—1583). Станам на 1580 год манастырскае ўладанне трымаў кашталян смаленскі "ку Дзісне".