Дзікая прырода Тасманіі

Дзікая прырода Тасманіі (англ.: Tasmanian Wilderness) — аб’ект Сусветнага спадчыны ЮНЕСКА. Уключае шэраг тэрыторый у Тасманіі, Аўстралія.

Дзікая прырода Тасманіі*
Tasmanian Wilderness**
Сусветная спадчына ЮНЕСКА
Гара Крэйдл
Краіна	Аўстралія
Тып	Змешаны
Крытэрыі	iii, iv, vi, vii, viii, ix, x
Спасылка	181
Рэгіён***	Азіяцка-Ціхаакіянскі
Гісторыя ўключэння
Уключэнне	1982  (6 сесія)
Пашырэнні	1989
* Міжнародная канвенцыя «ЮНЕСКА» ** Назва ў афіцыйным англ. спісе *** Рэгіён па класіфікацыі ЮНЕСКА

Дзікая прырода Тасманіі як аб’ект Сусветнай спадчыны ахоплівае 13800 км² ці прыблізна 20 % плошчы Тасманіі. У гэтым рэгіёне захаваліся апошнія на Зямлі дажджавыя лясы ўмеранага пояса. Археалагічныя раскопкі паказваюць, што пячоры ў тоўшчы вапняка выкарыстоўваліся старажытнымі людзьмі больш за 20.000 гадоў таму.^[1]

Тасманія багатая ўнікальнай фаунай, з 32 відаў ахоўных ў Тасманіі жывёл 27 сустракаюцца ў арэале Дзікай прыроды Тасманіі. Адным з вядомых відаў, якія знаходзяцца пад пагрозай знікнення, з’яўляецца тасманійскі д’ябал. З больш як 150 відаў птушак вылучаецца рэдкі від роду разелы — зялёная разела.^[2]

Наступныя нацыянальныя паркі ўваходзяць у склад аб’екта Сусветнай спадчыны Дзікая прырода Тасманіі:^[3]

• Гара Крэйдл і возера Сент-Клэр (англ.: Cradle Mountain-Lake St Clair National Park)
• Франклін Гордан (англ.: Franklin-Gordon Wild Rivers National Park)
• Горы Хартц (англ.: Hartz Mountains National Park)
• Карставыя пячоры Моўл-Крык (англ.: Mole Creek Karst National Park)
• Паўднёва-Заходні (англ.: Southwest National Park)
• Сцены Ерусаліма (англ.: Walls of Jerusalem National Park)
• Цэнтральнае плато (англ.: Central Plateau Conservation and Protected Areas)
• Запаведнік глотка д’ябла (англ.: Devils Gullet State Reserve)
• Паўднёва-ўсходні востраў буравесніка (англ.: South East Mutton Bird Islet)

Від з г. Маўнт-Эліза, Паўднёва-Заходні нацыянальны парк

Зноскі

1. Tasmanian Wilderness — Дзікая прырода Тасманіі на сайце дэпартамента навакольнага асяроддзя ўрада Аўстраліі
2. Tasmanian Wilderness — Дзікая прырода Тасманіі на сайце ЮНЕСКА
3. Where is the Tasmanian Wilderness World Heritage Area? (нявызн.)(недаступная спасылка). Архівавана з першакрыніцы 15 сакавіка 2011. Праверана 14 студзеня 2011.