Дом Юхновіча

Дом Юхновіча^[1] — колішні будынак у Мінску на рагу вуліц Падгорнай (цяпер вул. К. Маркса) і Петрапаўлаўскай (цяпер вул. Энгельса), 38/34. Разбураны падчас Другой сусветнай вайны. Цяпер на месцы будынка г. зв. Дом пісьменнікаў, пабудаваны ў 1951—1953 гадах (арх. Авель Брэгман)^[1].

Дом Юхновіча — крайні злева будынак^{[крыніца?]}.

Дом Юхновіча пабудаваны ў канцы XIX ст. Памяшканні выходзілі на невялікі ўнутраны двор, перакрыты зашклёным ліхтаром.

На першым паверху размяшчалася бюро грамадзянскіх інжынераў «Гай, Свянціцкі & Co», якое распрацоўвала эскізы, праекты, планы, каштарысы гарадскіх, дачных і сельскагаспадарчых пабудоў, здзяйсняла тэхнічны нагляд, будавала гаспадарчым спосабам, давала тэхнічныя кансультацыі.^[2]

Таксама ў будынку была кантора першага ў горадзе платнага гаража «Мінск-аўтамабіль», які належаў інжынеру Зыгмунту Свянціцкаму, займаўся тэхнічным абслугоўваннем, пракатам, продажам легкавых аўтамабіляў і запчастак^[1], першая на тэрыторыі сучаснай Беларусі станцыя тэхнічнага абслугоўвання^[3].

Зноскі

1. Карла Маркса (Подгорная) От Ленина (Губернаторской) до Энгельса (Петропавловской) Архівавана 4 сакавіка 2016.
2. Улица Карла Маркса - Твоя столица - Минск (нявызн.)(недаступная спасылка). web.archive.org (24 лютага 2015). Архівавана з першакрыніцы 24 лютага 2015. Праверана 23 мая 2024.
3. Уроки истории. Чем закончилась первая поездка на такси в Минске и сколько машин было у князя Радзивилла Архівавана 5 сакавіка 2016.